සහල් ආනයනයට ලබා දුන් කාලය දීර්ඝ කරයි

සහල් ආනයනය කිරීම සඳහා ලබාදුන් අවසරය 2025 වසරේ ජනවාරි මස 10වනදා දක්වා දීර්ඝ කිරීමට රජය තීරණය කර තිබේ.

ඊට අදාළ අවසන් එකඟතාව එළැඹෙන සඳුදා පැවැත්වෙන අමාත්‍ය මණ්ඩල රැස්වීමේදී ලබාගැනීමට නියමිතය.

රජය විසින් සහල් අනායනයට මින් පෙර ලබාදි තිබූ කාලය අද (20) මධ්‍යම රාත්‍රී 12න් පසු අවසන් වීමට නියමිතව තිබුණි.

රජය විසින් පසුගිය 4වනදා සිට සහල් ආනයනයට අවසර ලබාදිමෙන් පසු ඊයේ පස්වරුව වනවිට පෞද්ගලික අංශය විසින් මෙරටට සහල් මෙට්‍රික් ටොන් 35,600ක් ආනයනය කර තිබුණි.

මේ අතර විෂය භාර ඇමැති වසන්ත සමරසිංහ සහ සහල් ආනයනකරුවන් අතර වෙළෙඳ අමාත්‍යංශයේදී ඊයේ (19) සාකච්ඡාවක් පවත්වා තිබිණි.