Menu

Telephone :
(076) 074 4353

WhatsApp :
(076) 0744353 / (071) 876 8381 / (071) 905 6756

Email :
todaynewslk97@gmail.com/ support@todaynewslk.com

ශ්‍රී ලාංකික විද්‍යාඥයෙකුගෙන් ලොව මවිත කරවන සොයා ගැනීමක්

6.2 K

භෞතික ලෝකයේ නව පෙරළියක් ඇති කළ හැකි සුපිරි සන්නායකයක් ශ්‍රී ලාංකික විද්‍යාඥයෙකු ප්‍රමුඛ කණ්ඩායමක් විසින් සොයාගනු ලැබ තිබේ.

අමෙරිකාවේ ”නිව් සයන්ටිස්ට්” විද්‍යා සඟරාව මගින් ප්‍රකාශයට පත්කර ඇති පරිදි මෙම සුපිරි සන්නායක පදාර්ථය සොයාගෙන ඇත්තේ අමෙරිකාවේ නිව්යෝර්ක් නුවර රෝචෙස්ටර් සරසවියේ සහකාර මහාචාර්ය රංග ඩයස් සහ ඔහුගේ ශිෂ්‍ය කණ්ඩායමයි.

වසර 10කට වැඩි කාලයක් සිදුකළ පර්යේෂණයකින් අනතුරුව ශ්‍රී ලාංකික මහාචාර්යවරයෙකු වන රංග ඩයස් මහතා ඇතුළු කණ්ඩායමක් සුපිරි සන්නායක ගුණයක් ඇති පදාර්ථයක් සොයාගැනීමට සමත්ව තිබේ. 

මෙම සුපිරි සන්නායක ද්‍රව්‍යය නිර්මානය කර ඇත්තේ හයිඩ්‍රජන්, නයිට්‍රජන් සහ ලුටේෂියම් යන මූලද්‍රව්‍ය මුසු කිරීමෙනි.

එය නයිට්‍රජන් මුසුකළ ‘‘ලුටිෂියම් හයිඩ්රයිඩ්‘‘ යන පදාර්ථය ලෙසද හැඳින්විය හැකිය.

මෙහි ඇති විශේෂත්වය වන්නේ විදුලිය එක් තැනක සිට තවත් තැනකට ශක්තියක් වැය නොකර ගෙන යාමට ඇති හැකියාව සහ චුම්භක ක්ෂේත්‍රය හරහා යැවීමේදී එය පාවෙමින් ඝර්ෂණයකට ලක්නොවී ගමන් කිරීමෙන් ශක්තියක් වැය නොවීමය.

විදුලි හානියකින් තොර අධිබල විදුලි සම්ප්‍රේෂණය, ඝර්ෂණණයකින් තොරව, පොළොවට මදක් ඉහළින් ගමන්කරන අධිවේගී දුම්රිය, අඩු වියදම් එම්.ආර්.අයි ස්කෑන් තාක්ෂණය ආදිය සඳහා මෙය යොදාගත හැකිය.

මෙම පදාර්ථය සොයාගැනිමට පරීක්ෂණ මෙහෙයුම් සිදුකළ මහාචාර්ය රංග ඩයස් මහතා කොළඹ විශ්වවිද්‍යාලයෙන් විද්‍යාවේදී උපාධිය ලබා භෞතික විද්‍යාව පිළිබඳ ආචාර්ය උපාධිය වොෂින්ටන් සරසවියෙන් ලබාගෙන තිබේ. 

ඒ මහතා පශ්චාත් ආචාර්ය උපාධි ශිෂ්‍යත්වයක් ලැබ හාවඩ් සරසවියේ පර්යේෂණවල නිරතවීමෙන් අනතුරුව රොචෙස්ටර් සරසවියේ ආචාර්යවරයකු ලෙස මේ වන විට කටයුතු කරයි. 

මහාචාර්ය රංග ඩයස් මහතා පීඩන භෞතික විද්‍යාව පිළිබඳව ජාත්‍යන්තර වශයෙන් පිළිගත් විද්‍යාඥයෙකි.

එමෙන්ම ලුටිෂියම් හයිඩ්රයිඩ් උපයෝගි කරගනිමින් අධිවේගී දුම්රිය ධාවනයක් කිරීමේ හැකියාව, විද්‍යුත් ගුවන් යානා සහ බැටරි ආයු කාලය දිර්ඝ කරගැනීමේ හැකියාව ඇති තාක්ෂණික පෙරළියක් ඇතිකර හැකි නව නිපැයුම් නිෂ්පාදනය කිරීමේ හැකියාව පවතින බවද වාර්තාවෙයි. 

මේ සම්බන්ධයෙන් අදහස් දැක්වූ රොචෙස්ටර් විශ්වවිද්‍යාලයේ සහකාර මහාචාර්ය රංග ඩයස් මහතා,
“මම කිසිදවසක මේ ආකාරයේ වර්ණය වෙනස් කරනු ලබන අමුද්‍රව්‍යයක් දැකලා නැහැ. එය පළමුව නිල් පාට වර්ණයෙන් දිස්වෙනවා. පසුව එයට පීඩනයක් යෙදීමෙන් දීප්තිමත් රෝස පැහැයක් ගනු ලබන අතර තවදුරටත් පීඩනයක් යොමුකිරිමෙන් දීප්තිමත් රතු වර්ණයක් ගනු ලැබුවා. මම මගේ සිසුන් සමග විහිළුවක් කරමින් පැවසුවේ අපි එය රෙඩ්මැටර් නැත්නම් රතු පදාර්ථයක් ලෙස හඳුන්වමු කියා. මන්ද එය ඇත්තටම ආකර්ෂණීයයි. මෙම සොයාගැනීම මගින් විශේෂයෙන් ප්‍රතිරෝධයකින් තොරව විදුලිය සම්ප්‍රෙෂණය කිරීමටත් බලශක්තිය ගබඩා කිරීමටත් ඉඩ සැලසෙනවා. ඒ වගේම න්‍යෂ්ඨික සංයෝජනය ක්‍රියාවලියෙන් අසීමිත සුනිත්‍ය බලශක්තියක් උත්පාදනය කිරීමටත් එය අපේ අවශ්‍යතා සඳහා යොදාගැනීමටත් ක්‍රියාත්මක උත්සාහය පිළිබඳව ඔබ අසා ඇති. රෙඩ්මැටර් වැනි සුපිරි සන්නායකයක යොදාගැනීම්දී එවැනි ප්‍රතිඵලයක් අත්කර ගත හැකියි.”

“සුනිත්‍ය බලශක්තිය කාලගුණ වෙනසට පිළියමක් ලෙසද වැදගත්. ඒ වගේම මැග්නටික් ලැවිටේෂන් නැත්නම් අවකාශයෙන් අධිවේගයෙන් ධාවනය සඳහා මෙම සුපිරි අධිසන්නායක යොදාගත හැකි නිසා එය ප්‍රවාහනය සඳහාද වැදගත්. එහිදී එම ද්‍රව්‍ය අධිවේගී දුම්රිය ධාවනය සඳහා ඝර්ෂණයෙන් තොර දුම්රිය මාර්ග නිර්මාණය කිරීම සඳහා යොදාගත හැකි අතර බලයකින් තොරව එක් ස්ථානයක සිට තවත් ස්ථානයකට ගමන් කළ හැකිවනවා. එපමණක් නොවෙයි වැඩි බැටර් ආයුකාලයක් සහිත විදුලි වාහන, විද්‍යුත් ගුවන්යානා දුරකථන ඇතුළු අප භාවිතාකරන උපකරණවල ක්‍රියාකාරීත්වයද මෙමගින් විශාල ලෙස වැඩිදියුණු කළ හැකියි.”
-ada derana-

Leave a Reply

Leave a Reply

Your email address will not be published. Required fields are marked *