Menu

Telephone :
(076) 074 4353

WhatsApp :
(076) 0744353 / (071) 876 8381 / (071) 905 6756

Email :
todaynewslk97@gmail.com/ support@todaynewslk.com

අප්‍රේල් මාසයේ රාජ්‍ය සේවක වැටුප්, විශ්‍රාම වැටුප් හා සමෘද්ධි ඇතුළු දීමනා ගෙවීම සම්බන්ධයෙන් මුදල් රාජ්‍ය අමාත්‍යවරයාගෙන් දැනුම්දීමක්

1 year ago 9.7 K

රාජ්‍ය සේවක වැටුප් ගෙවීම, විශ්‍රාම වැටුප් ගෙවීම හා සමෘද්ධි දීමනා ගෙවීම අප්‍රේල් මස 10 වන දිනට පෙර සිදුකිරීමට අවශ්‍ය පියවර ගන්නා බව මුදල් රාජ්‍ය අමාත්‍ය රංජිත් සියඹලාපිටිය පවසනවා.

සුවිශේෂී කළමනාකරණ වැඩපිලිවෙලක් තුළ මෙය ක්‍රියාත්මක කරන බවයි අමාත්‍යවරයා සඳහන් කළේ.

කෙතරම් ආර්ථික අපහසුතා පැවතිය ද සාම්ප්‍රදායිකව සිංහල හා හින්දු අළුත් අවුරුද්ද නිමිත්තෙන් අප්‍රේල් මස 10 වන දිනට පෙර ගෙවන රාජ්‍ය සේවක වැටුප, විශ්‍රාම වැටුප හා සමෘද්ධි දීමනාව යනාදිය මෙවර ද ආකාරයෙන්ම ගෙවීමට අවශ්‍ය පියවර ගන්නා ලෙස මුදල් අමාත්‍යවරයා ලෙස ජනාධිපතිවරයා උපදෙස් දී ඇති බවයි ඔහු මෙහිදී වැඩිදුරටත් පැවසුවේ.

මේ සඳහා රුපියල් බිලියන 140ක් පමණ වැය වන බවත්, ඒ අනුව සුවිශේෂී මූල්‍ය කළමනාකරණයක් තුළ අවශ්‍ය වුවහොත් මුදල් අමාත්‍යාංශයේ ඇති ගිණුම් හා බැංකු අයිරා ආදිය අවශ්‍ය පරිදි කළමනාකරණය කොට වැටුප් හා දීමනා ගෙවීමට වැඩපිළිවෙලක් යොදා ඇති බවද රාජ්‍ය අමාත්‍යවරයා සඳහන් කර සිටියා.

රුවන්වැල්ල ප්‍රදේශයේ දී ඊයේ (24) පැවති වැඩසටහනකින් අනතුරුව මාධ්‍ය වෙත අදහස් දක්වමින් රාජ්‍ය අමාත්‍යවරයා මේ බව ප්‍රකාශ කළා.

Leave a Reply

Leave a Reply

Your email address will not be published. Required fields are marked *