රිය අනතුරකට ලක් වූ යතුරු පැදියේ සිටි පසු පැදිකරු වහලයක් මතට විසි වූ අයුරු (වීඩියෝ)

ඊයේ (30) පස්වරුවේ මෝටර් රථයක් සහ යතුරුපැදියක් එකිනෙක ගැටීමෙන් අනතුරක් සිදුවී තිබුණි.

අනතුරෙන් යතුරුපැදියේ ගමන් ගත් පුද්ගලයන් දෙදෙනා බරපතළ තුවාල ලබා රෝහල් ගත කළ බව හොරණ පොලීසිය පැවසීය.

හොරණ මලගල පාර පාදුක්ක ගුරුගොඩ සමෘද්ධි බැංකුව අසල දී එම අනතුර සිදුවී තිබුණි. 

අනතුරත් සමග යතුරුපැදිය සහ මෝටර් රථය ගිනිගැනීමට ලක්වී ඇති අතර ප්‍රදේශවාසීන් මැදිහත්වී ගින්න නිවාදැමීමට කටයුතු කර තිබේ.

යතුරුපැදියේ පසුපස ගමන් ගත් පුද්ගලයා අනතුරත් සමග මීටර් 15ක් පමණ ඉහළින් විසිවීගොස් ප්‍රතිවිරුද්ධ දිශාවේ තිබෙන වෙළෙඳසැලක වහලය මතට පතිතවී තිබුණි.

වංගුවක් සහිත ප්‍රදේශයකදී ප්‍රතිවිරුද්ධ දිසාවෙන් පැමිණි මෝටර් රථය සහ යතුරුපැදිය මුහුණට මුහුණ ගැටී තිබේ.