Menu

Telephone :
(076) 074 4353

WhatsApp :
(076) 0744353 / (071) 876 8381 / (071) 905 6756

Email :
todaynewslk97@gmail.com/ support@todaynewslk.com

තම එකම දරුවාගේ පළමු පාසල් දිනයේදීම මවකට අත්වූ ඛේදනීය ඉරණම

5.6 K

පළමු ශ්‍රේණියට ඇතුළත් වීම දෙමාපියන්ට මහත් සතුටක් ගෙන දෙන කරුණක් වුවත් එවැනි දිනයක සිදුවු ඛේදනීය පුවතක් කෑගල්ල ප්‍රදේශයෙන් වාර්තා වුණි.

ඒ සිය දරුවා පළමු ශ්‍රේණියට ඇතුළත් කිරීමට ගොස් සිටි මවකට ඇයගේ සැමියා විසින් අමානුෂික ලෙස තියුණු ආයුධයකින් ගෙලට සහ අතකට පහරදීමක් සිදුකර තිබුණි.

පහරදීමෙන් තුවාල ලැබු කාන්තාව කෑගල්ල මහ රෝහලට පසුගිය (28) පෙරවරුවේ ඇතුළත් කර ඇතැයි දේවාලේගම පොලීසිය පවසයි.

ඉඹුල්ගස්දෙණිය, මාඔය වත්ත ලිපිනයේ පදිංචිව සිටින 25 හැවිරිදි එක්දරු මවක් එලෙස තුවාල ලබා තිබුණි.

මීට මාස හතරකට පෙර ආරවුලක් හේතුවෙන් ඇය සැමියා සමග අමනාප වී දරුවා ද සැමියාට භාර දී නිට්ටඹුව ප්‍රදේශයේ සිටින ඥාතියකුගේ නිවසකට ගොස් නතර වී සිට ඇත.

දරුවා බටුවත්ත කනිෂ්ඨ විද්‍යාලයේ පළමු ශ්‍රේණියට ඇතුළත් කිරීමට ඇය මහ ගෙදරට පැමිණ දරුවා එම නිවසට කැඳවාගෙන එන ලෙස සැමියාට දුරකථනයෙන් පවසා තිබුණි.

පසුව සැමියා විසින් දරුවාගේ හා ඔහුගේ පාසල් ඇඳුම් කට්ටලය ද බිරිඳගේ මහ ගෙදරට ගිහින් දී ආපසු නිවසට ගොස් තිබේ.

පසුව පහරකෑමට ලක්වු කාන්තාව දරුවා රැගෙන පාසල වෙත ගොස් දරුවාව භාරදී විද්‍යාලයේ පැවති උත්සවයකට ද සහභාගි වී විදුහල්පති කාර්යාලයට යන අවස්ථාවේ සැමියා පැමිණ මත්ද්‍රව්‍ය පානය කිරීමට මුදල් අවශ්‍ය බැවින් සිය දුරකථනය උකස් තැබීමට ඉල්ලා ඇත.

ඇය ඊට අකමැත්ත ප්‍රකාශ කිරීම නිසා ඉනේ සඟවා ගෙන සිටි පිහියෙන් ගෙල ප්‍රදේශයට සහ අතකට පහරදී තිබේ.

තුවාලකාරියගේ තත්ත්වය බරපතළ නොවන බවත් ශල්‍යකර්මයකට භාජනය කිරීමට නියමිත බවත් රෝහල් පොලීසිය පැවසීය.

සැකකාර සැමියා කාලයක සිට තදින්ම මත්ද්‍රව්‍ය පානය කිරීමට ඇබ්බැහි ව සිටින අයෙකු බවද පොලීසිය පවසයි.

Leave a Reply

Leave a Reply

Your email address will not be published. Required fields are marked *