යුක්‍රේනයේ කියර්සන් ප්‍රදේශයේ පිහිටි ‘ඩ්නිප්‍රො ගඟ’ හරහා ඉදිවුණු ‘නොර්වා කහොව්කා’ වේල්ල බිඳී යාමෙන් හටගෙන ඇති හදිසි ගංවතුර තත්ත්වය හේතුවෙන්, පුද්ගලයින් 40,000 කට අධික පිරිසක් ඉවත් කරමින් පවතින බව BBC ලෝක පුවත් සේවය වාර්තා කර තිබෙනවා.
ජල ගැලීම් හේතුවෙන් නගර සහ ගම් 80 ක් පමණ ජලයෙන් යටවිය හැකි බවටයි යුක්‍රේන ජනාධිපති ව්ලොදිමිර් සෙලෙන්ස්කි අනතුරු අඟවා ඇත්තේ.
මහා ජල කඳක් ඩ්නිප්‍රො ගඟ දිගේ පහළට ගලා යමින් පවතින අතර, ගංවතුරේ වැඩි බලපෑමක් ඇත්තේ කියර්සන් නගරයට බව විදෙස් මාධ්‍ය වාර්තා පවසනවා.
මෙම තත්ත්වය පහව යෑමට දින 4 ක් හෝ 5 ක් ගතවනු ඇතැයි අපේක්ෂා කරන බවයි යුුක්‍රේනය වාර්තා කර ඇත්තේ. ජලයෙන් යට වී ඇති කහොව්කා නගරයේ වීදිවල හංසයින් පිහිනමින් සිටින ආකාරය දැක්වෙන වීඩියෝ පට ද මේ වනවිට ලොව පුරා අවධානයට ලක්ව තිබෙනවා.
වේල්ල පිහිටා ඇති කියර්සන් ප්‍රදේශයේ බලය රුසියාව සතු වන අතර, යුක්‍රේනය චෝදනා කරන්නේ රුසියානු ප්‍රහාරයක් නිසා මෙම වේල්ල බිඳී ගොස් ඇති බවටයි.
කෙසේ වෙතත් රුසියාව එම චෝදනා ප්‍රතික්ෂේප කර තිබෙනවා. රුසියාව පවසන්නේ, යුක්‍රේනයේ ෂෙල් ප්‍රහාර හේතුවෙන් වේල්ල බිඳී ගොස් ඇති බවයි.
මෙම වේල්ල ඉතා පැරණි ඉදිකිරීමක් වන අතර, ජල පීඩනය දරා ගත නොහැකිව අදාල වේල්ල බිඳී යන්නට ඇති බවට ද මත පළ වනවා. වේල්ල බිඳී යාමට හේතුව මෙතෙක් තහවුරු කරගෙන නැහැ.
මෙම ජලාශයෙන් අවට ප්‍රදේශ රැසක ගොවීන්ට සහ පදිංචිකරුවන්ට මෙන්ම Zaporizhzhia න්‍යෂ්ටික බලාගාරයට ද ජලය සැපයෙනු ලබනවා.
Covid වෛරසය වැළඳුණු අයගේ අවයවවල සංකූලතා! නව පරීක්ෂණයකින් හෙළිවෙයි! 
කාලගුණයෙන් අද රාත්රියේ කාලගුණය සම්බන්ධව විශේෂ නිවේදනයක් 
ආනයනික කිරිපිටි මිලෙහි ඉදිරියේදී සිදුවන වෙනසක් පිළිබඳව දැනුම්දීමක් 
ප්රබල අමාත්යවරයෙකුට වෛද්ය ප්රතිකාර සඳහා විදෙස් ගතවන ලෙස උපදෙස් 
කිරම ආරේ සැඟව ගිය 13 හැවිරිදි හෝකී ක්රීඩකයා 
සාමාන්ය පෙළ විභාගය කල් දමයි