මේ අවුරුද්ද උදාවෙද්දී මිථුන ලග්නයේ ලග්නාධිපති බුධ, සිකුරු, රාහු සමඟ කර්මස්ථානයේ ගමන් කරන අතර, සඳු ලග්නයේද කේතු හතරේ, කුජ ශනි නවයේ රවි, ගුරු අයස්ථානයේද ගමන් කරයි. සිකුරුගෙන් මාලවී යෝගයද රවි ගෙන් මයුරපාල යෝගයද ශනිගෙන් ජය යෝගය ද යෙදී ඇත. නීචභංග රාජ යෝගයද ඇත.
ගෘහ ජිවිතය
ගෘහ දිවිය වඩාත් සුබදායක වේ. බුධ, සිකුරු දශා ලබා තිබෙන අයට මේ තත්ත්වය උපරිමව විදීමට හේතු වාසනා වෙයි. කරන කියන හැම දෙයකම යහපත දියුණුව, සුබ සිද්ධිය ඇති කරයි. ධනය, සම්පත් ලැබෙන කාලසීමාවකි. රටේ ප්‍රසිද්ධියට පත් වේ. අන්‍යයන් සමඟ කටයුතු කිරීමට සිදුවන කාල සීමාවක් බැවින් ඉවසිලිවන්තව අන් මත විමසා කටයුතු කළ යුතුයි. ස්ත්‍රී පුරුෂ ආකර්ෂණය හා සම්බන්ධතා ඇති වන කාලයෙකි.
රවි දශා ගත කරන අය, අයුක්තියට එරෙහි වන අතර, තම මතයට කටයුතු කරයි සාධාරණයට ගරු කරයි. පොදුවේ කටයුතු කරන අදහස් ඇති වේ. කුජ දශා ගත කරන අයගේ දියුණුවට තරමක් බාධා ඇති වුවත් එය අභිබවා කටයුතු කළ හැකිය.
සහකරු හෝ සහකාරිය හේතු කොට පවුලේ දියුණුව ඇති වේ. ගුරු දශා ඇති අයට මංගල යෝග උදා වේ. මිතුරන්ගෙන් දියුණුවට උපකාර ලැබිය හැකිය. දැනුම, බුද්ධිය, ධනය ඇති කෙනෙක් විවාහයට ලැබිය හැකිය. මානසික වර්ධනය මෙන් ශාරීරික වර්ධනය ද ඇති වේ. ආගමික කටයුතුවලින් ප්‍රසිද්ධිය ඇති වේ. විවේකය අඩු කරයි. නොයෙක් දේවල් පසුපස හඹා යාම දියුණුවට බාධාවකි. රාහු දශා ගත කරන අය ඕනෑම දේකට නොබියව ඉදිරිපත් වේ. කේතු දශා ගත කරන අයට හිතේ බිය ඇති වේ. සතුරු කරදර තිබුණද දියුණුවට මංපෙත් විවර කරගත හැකිය.
රැකියාව හා ආර් ථිකය
සඳුගෙන් දහයේ ලග්නාධිපති යෙදීම රැකියා ආදී කටයුතු සඳහා සුබදායක වේ. රැකියාවේ වෙනස්වීම්, මාරුවීම් ඇති වුවත් ඒවා ඉතා යහපත් වේ. දියුණුව ඇති වේ. සඳු දශා ඇති අයගේ රැකියා අංශද දියුණු වේ. ධන ලාබ ද යෙදේ. ඉඩකඩම්, දේපළ ද ලැබිය හැකිය. සෙනසුරු දශා තිබෙන අයටද එතරම් වරදක් නැත. ඉඩකඩම්, භූමිලාභ ලැබීමේ වාසනාව මතු වේ. රාහු දශා ඇති අයට ස්ථානමාරු රැකියා අංශවල කරදර බාධා ඇති විය හැකිය.
අධ්‍යාපනය
ඉගෙන ගන්නා අයට යහපත් වේ. අධ්‍යාපනයෙන් ඉදිරියට යාමට හැකියාව ලැබේ. උසස් අධ්‍යාපන කටයුතු සඳහා අඩි තාලම යෙදෙනු ඇත. උසස් අධ්‍යාපන කටයුතු සඳහා භාග්‍යය ඇත. අධ්‍යාපන කටයුතුවලදී තම අනාගතයට යහපත් වන ලෙස දුර දිග සිතා බලා කටයුතු කළ යුතුය. අධ්‍යාපනය ලබන දරුවන් අනවශ්‍ය බැදීම්වලින් දුරස්ව කටයුතු කළයුතුය. මිථුන ලග්න හිමියන්ට ඉගෙනීම අධ්‍යාපන ශාස්ත්‍රිය කටයුතුවලට මේ කාලය වරදක් නැති බැවින් උසස් අධ්‍යාපනය සඳහා විදේශගත වීමට ද බලය උදාවී පවතී. බාධක ඇති වුවත් නොසැලී කටයුතු කිරීමෙන් ජය ගත හැකිය. ශිෂ්‍ය ශිෂ්‍යාවන්ගේ කටයුතුවලටද යහපත් වසරකි. ඒ අයගේ සියලු අධ්‍යාපනික කටයුතු සුබ දායක වෙයි.
සෞඛ්‍යය
පීනසය සෑදිය හැකිය. ඇස් රෝග ස්නායු අබාධ වලට ලක්වීමට ඇති ඉඩකඩ වැඩිය. හිස ආශ්‍රිත රෝග සහ තුවාල පීඩා සමේ රෝග ඇති වීමට ඉඩ තිබේ. ලේ විෂවීමේ රෝගද යෙදිය හැකිය. ඒ නිසා මේ කාලයේ තමාගේ සෞඛ්‍යය පිළිබඳ වඩාත් සැලකිලිමත් විය යුතුය.
අය – 11 වැය – 05
සුබ වර් ණය – කොළ, විසිතුරු පාට
සුබ මැණික් – පච්චගල්
ජය දින – සඳුදා, සිකුරාදා
ජය අංක – 03
සුබ දිශා – උතුර, නැඟෙනහිර
විදෙස්ගත ශ්රමිකයන්ගේ දූ දරුවන්ට අධ්‍යාපනික ශිෂ්යත්ව! අයදුම්පත් යොමු කරන ආකාරය මෙන්න! 
ආනයනික පළමු සහල් තොගය වෙළෙඳපොළට 
අසාද් සාලිගේ මූලික අයිතිවාසිකම් කඩවෙලා! අසාද් සාලි අත්අඩංගුවට ගැනීම නීතිවිරෝධී බවට ශ්‍රේෂ්ඨාධිකරණයෙන් තීන්දුවක්! 
රනිල්ගේ නිර්දේශය යළි නිෂ්ප්රභ වෙයි! ලක්ෂ 20ක නඩු ගාස්තුවක් ගෙවන්නත් නියම වෙයි! 
සජබ ජාතික ලැයිස්තුව නම් කිරීමට එරෙහිව අධිකරණයෙන් වාරණ නියෝගයක් 
දක්ෂිණ අධිවේයේ මාරක රිය අනතුරක්! 10 හැවිරිදි දැරියක් මරුට! 
ගසක අත්තක් වැදී 13 හැවිරිදි දරුවෙකුට දිවි අහිමි වෙයි 
කථානායකට එරෙහිව විශ්වාසභංගයක්! 
පළාත් රැසක වැසි තත්ත්වයේ උත්සන්න වීමක් 
මෙරටට පැමිණි ඉන්ධන නැවක් ආපසු හැරී යයි 
ෆේස්බුක්, වට්ස්ඇප් සහ ඉන්ස්ටග්රෑම් යෙදුම්හි බිඳවැටීමක් 
මාර්ගගත ක්රමවේදයට දුම්රිය ආසන වෙන්කිරීමේදී සිදු කරන වංචාවක් පිළිබඳව පැමිණිල්ලක්