සෞඛ්‍ය අංශ වෙතින් කාන්තාවන්ට විශේෂ දැනුම්දීමක්

කාන්තා උපත් පාලන කොපු (කාන්තා කොන්ඩම්) භාවිත කිරීමට කාන්තාවන් මැළිකමක් දක්වන බව සෞඛ්‍ය අංශ පවසයි. පවුල් සෞඛ්‍ය සායනවලදි කාන්තාවන් සඳහා උපත් පාලන කොපු වෙනමම නොමිලයේ ලබාදීමට කටයුතු කළද කාන්තාවන් එම උපත් පාලන කොපු ලබාගැනීමක් සිදුනොකරන බව වාර්තා වෙයි.

සෞඛ්‍ය බලධාරින් පවසන්නේ බොහෝ කාන්තාවන් මෙම උපත් පාලන කොපු ලබා ගැනීමට යම් ලැජ්ජාශීලි බවක් දක්වන බවයි. කාන්තා උපත් පාලන කොපු අවස්ථානුකුලව භාවිත කළ හැකි බවත් මේ පිළිබඳව කාන්තාවන් දැනුවත්වීම වැදගත් බවත් සෞඛ්‍ය අංශ සඳහන් කරයි.

කොන්ඩම් යනු උපත් පාලන ක්‍රම (සැලසුම් නොකළ ගැබ් ගැනීම් වැළැක්වීම) සහ එච්.අයි.වී. වැනි ලිංගාශ්‍රිත රෝග වැළැක්වීමේ බහුලව භාවිත වන ක්‍රමයක් වෙයි. සෑම පුද්ගලයකුම ලිංගිකව එක්වන සෑම අවස්ථාවකම වෙනම කොන්ඩමයක් භාවිත කිරීම වැදගත් වන බවද සෞඛ්‍ය අංශ පවසයි.

කෙසේ වුවද අධ්‍යයනවලින් පෙනී යන්නේ කොන්ඩම් නිවැරදිව සහ අඛණ්ඩව භාවිත කරන විට ලිංගාශ්‍රිත රෝග සහ එච්.අයි.වී. වැළැක්වීම සඳහා 90-95% ඵලදායී බවයි. එසේම ස්ථාවර කොන්ඩම් භාවිතා කරන්නන් HIV ආසාදනය වීමේ සම්භාවිතාව 10-20 ගුණයකින් අඩුය.