මෙරට අධ්යාපන ක්ෂේත්රයේ සිදු කිරීමට නියමිත පුළුල් නවීකරණ වැඩසටහන සඳහා යුනෙස්කෝ සංවිධානයේ අධ්යාපන අංශයේ සහාය ලබා ගැනීම පිළිබඳ සාකච්ඡා කරන බවත් එසේම එම ප්රතිසංස්කරණ වෙනුවෙන් ලෝක බැංකුවේ සහ ආසියානු සංවර්ධන බැංකුවේ ද සහාය ලබා ගන්නා බවත් ජනාධිපති රනිල් වික්රමසිංහ පැවසීය.
ජනාධිපතිවරයා මේ බව සඳහන් කළේ ඊයේ (17) මොනරාගල බුදුරුවගල මහා විද්යාලයේ ශිෂ්ය පාර්ලිමේන්තුවේ මංගල සැසිවාරයට එක්වෙමිනි.
කෘත්රීම බුද්ධිය (AI) ඇතුළු නවීන තාක්ෂණය සමඟ බද්ධ වූ දියුණු අධ්යාපන ක්රමයක් රට තුළ නිර්මාණය කර නවීන ලෝකය සමඟ ඉදිරියට යාමට මෙරට දරුවන්ට අවස්ථාව උදා කර දෙන බව ජනාධිතිවරයා එහිදී සඳහන් කළේය.
ජනාධිපතිවරයා එම සිසුන් වෙත ලබා දී තිබූ පොරොන්දුවක් ඉටු කරමින් වටිනා සංගීත භාණ්ඩ තොගයක් ද ඉතා කෙටි කලක් තුළ විද්යාලය වෙත ප්රදානය කිරීමට කටයුතු කිරීම පිළිබඳව ද එහිදී සිසු දරුවන් ජනාධිපතිවරයා වෙත සිය ස්තූතිය පළ කර සිටියහ.
එම විද්යාලයේ ශිෂ්ය පාර්ලිමේන්තුව නියෝජනය කරන සභිකයින් 96 දෙනෙකු පමණ ශිෂ්ය පාර්ලිමේන්තුව සඳහා එක්ව සිටී අතර ඔවුන්ට සහතික පත් ප්රදානය කිරීම ජනාධිපති ලේකම් සමන් ඒකනායකගේ හා පාර්ලිමේන්තු මහ ලේකම් කුෂානි රෝහණධීරගේ ප්රධානත්වයෙන් සිදු විය.
ජනාධිපති රනිල් වික්රමසිංහ වැඩිදුරටත් සඳහන් කළේ රට ගොඩනඟන අනාගත නායකයන් බිහි වන්නේ මෙම ශිෂ්ය පාර්ලිමේන්තු තුළින් බවයි.
එහිදී ලබා ගන්නා අත්දැකීම් එම කටයුතුවලට මනා පිටිවහලක් වනු ඇති බව පෙන්වා දුන් ජනාධිපතිවරයා මේ වන විට බොහෝ පාසල්වල ශිෂ්ය පාර්ලිමේන්තු ක්රියාත්මකවීම සතුටට කරුණක් බවද පැවසීය.
මල්ලිව බලන්න CID ආ නාමල් කී කතාව – “නීතිය ක්රියාත්මක කරන්න, හැබැයි නෝන්ඩි වෙන්න එපා” 
අදානිගේ සුළං විදුලි ව්යාපෘතිය ගැන රජයේ නිල තීරණය දැනුම්දෙයි 
ට්රම්ප් තනි පෑන් පාරෙන් කළ වෙනස අධිකරණය මැදිහත් වී ආපසු හරවයි 
ඔයත් ෆෝන් එක දිහා වැඩි වෙලාවක් බලන් ඉන්න කෙනෙක්නම් මේක අනිවාර්යෙන්ම කියවන්න 
ස්පා හිමිකරුවෙකුට බරපතළ වැඩ සහිත සිරදඬුවම් නියම වෙයි 
යෝෂිත රාජපක්ෂ රිමාන්ඩ් 
නිදහස් පක්ෂය ඉදිරි මැතිවරණයට අත ලකුණින් ? 
වනිඳුට හා චමරි අතපත්තුට හිමි වූ අවස්ථාව 
දහසක් කම්කටොළු මැද කුප්පි ලාම්පු එළියෙන් ශිෂ්යත්වය ජයගත් සයුරි 
පළමුවරට කාන්තාවකට හිමි වූ කටාර් තානාපති ධූරය 
ජනාධිපති අරමුදලේ සේවා සැපයීම පුළුල් වෙයි! ප්රාදේශීය මට්ටමින් ජනතාවට සේවා ලබාගැනීමට ආවස්ථාව! 
අල්ලස් ගත් පොලිස් සැරයෙන්වරයෙක් මාට්ටු