පිලිපීනයේ දරුණු භූ කම්පනයක්

දකුණු පිලිපීන වෙරළට ඔබ්බෙන් රික්ටර් මාපක 6.7ක භූ කම්පනයක් අද (03) අලුයම ඇති වූ බව එක්සත් ජනපද භූ විද්‍යා සමීක්ෂණ ආයතනය පැවසීය.

මින්දනාඕ දූපතට නැගෙනහිරින් පිහිටි බාර්සිලෝනා ගම්මානයේ සිට කිලෝමීටර් 20ක් පමණ දුරින් කිලෝමීටර් 17ක් (සැතපුම් 10.5ක්) ගැඹුරින් මෙම භූමිකම්පාව හටගෙන ඇති බවයි ඔවුන් පවසන්නේ.

භූ කම්පනය සමග සුනාමි අනතුරු ඇඟවීමක් නිකුත් කර නැහැ.

එරට බලධාරීන් පැවසුවේ කිසිදු ජීවිත හෝ දේපොළ හානියක් වාර්තා වී නොමැති නමුත් පසු කම්පන ගැන අනතුරු ඇඟවා ඇති බවයි.