වාර්තා පොත් අලුත් කරමින් අරුණ දර්ශන අවසන් පූර්ව වටයට සුදුසුකම් ලබයි! මූලික වටයේදී විශිෂ්ඨ දස්කමක්!

පැරිස් ඔලිම්පික් උළෙලේ පිරිමි මීටර් 400 ධාවන ඉසව්ව සඳහා ශ්‍රී ලංකාව නියෝජන කරමින් සහභාගි වූ අරුණ දර්ශන එහි අවසන් අවසන් පූර්ව වටයට සුදුසුකම් ලබාගැනීමට සමත් විය.

ඒ අනුව ඔලිම්පික් ඉතිහාසයේ මීටර 400 ඉසව්වකින් අවසන් පූර්ව වටයක් දක්වා ඉදිරියට ගිය පළමු ශ්‍රී ලාංකිකයා ලෙසින් වාර්තා අතරට යාමට අරුණට හැකිවිය.

මූලික වටයේ තරග 06කින් සමන්විත වූ මෙම තරග ඉසව්වේ 05 වැනි මූලික තරගයට අරුණ සහභාගි වුණා.

එහිදී ඔහු තත්. 44.99කින් තරගය අවසන් කර තෙවැනි ස්ථානය දිනාගැනීමට සමත් විය.

මෙය අරුණගේ පෞද්ගලික හොඳම දක්ෂතාව බව සඳහන්.

ඒ අනුව සුගත් තිලකරත්නගෙන් පසු මීටර 400 ඉසව්වක් තත්. 45ට අඩුවෙන් අවසන් කළ පළමු ශ්‍රී ලංකා මලල ක්‍රීඩකයා ලෙසින් තවත් සුවිශේෂී කඩයිමක් පසුකිරීමටද අරුණට හැකිවිය.

ඔලිම්පික් තරගාවලියට සුදුසුකම් ලබන විට අරුණ දර්ශන ශ්‍රේණිගත කිරීම්හි පසු වූයේ 51වන ස්ථානයේයි.