කොරියානු රැකියා ගැන සිහින දකින්නන්ට සුභ ආරංචියක්

ශ්‍රී ලංකා විදේශ සේවා නියුක්ති කාර්යාංශය හා දකුණු කොරියානු මානව සම්පත් සංවර්ධන සේවා ආයතනය අතර ඇති කරගත් අවබෝධතා ගිවිසුමට අනුව තවදුරටත් ශ්‍රී ලංකිකයන් සඳහා එරට රැකියා අවස්ථා ලබාදීමට නියමිතයි.

ඒ අනුව දකුණු කොරියාව බලා යන 873 වන කණ්ඩායම පසුගිය අගහරුවාදා(06) දිවයිනෙන් පිටත්ව ගොස් තිබෙනවා.

මෙම කණ්ඩායමය ශ්‍රී ලංකිකයන් 100 දෙනෙකු ඇතුළත් වන අතර ඒ අතර තරුණියන් 08 දෙනෙක් සිටීමද විශේෂත්වයක්.

විදේශ සේවා නියුක්ති කාර්යාංශය පවසන්නේ 2024 වසරේ මුල් මාස 7 තුළ 3,694 දෙනෙකු දකුණු කොරියාවේ රැකියා සඳහා පිටත්ව ගොස් ඇති බවයි.