2024 ජනාධිපතිවරණ ඡන්ද විමසීමෙන් අනතුරුව දෙවන මනාපය ගණන් කිරීම සඳහා ද සූදානම් වන ලෙසට මැතිවරණ කොමිෂන් සභාව දිවයිනේ සියලුම තේරීම්භාර නිලධාරීවරුන්ට දැනුම්දී ඇති බව සඳහන් වේ.
ඒ අනුව පළමු ඡන්ද ගණන් කිරීමෙන් අනතුරුව, කිසිදු අපේක්ෂකයකුට සියයට 50 ක ඡන්ද ප්රතිශතයක් නොතිබුණහොත් දෙවන මනාපය ගණන් කිරීමට සිදුවන බැවින්, ඒ සඳහා නිලධාරීන් සූදානම්කර තබාගන්නා ලෙස මැතිවරණ කොමිෂන් සභාව දැනුම්දී තිබේ.
ඒ අනුව එක් එක් ගණන් කිරීමේ මධ්යස්ථානයට යොමුකර තිබෙන ඡන්ද ප්රමාණය අනුව දෙවන මනාපය ගණන් කිරීම සඳහා සුදුසු නිළධාරීන් සංඛ්යාවක් සූදානම්කර තැබීමට තේරීම්භාර නිලධාරීන් කටයුතු යොදා ඇත.
බොහෝ ඡන්දදායකයන් ජනාධිපතිවරණයේදී මනාපය සලකුණු කිරීම සිදු කිරීමේ සම්භාවිතාව ඉතා අඩු බවත්, ඡන්දය පමණක් අපේක්ෂකයකුට ප්රකාශ කිරීමේ අවස්ථාව වැඩි බවද ඔවුහු අනුමාන කරති.
මේ අතර ජනාධිපතිවරණයේදී දින තුනක රාජකාරි කටයුතු සඳහා සිවිල් ආරක්ෂක දෙපාර්තමේන්තුවේ සෙබළුන් සහ නිලධාරීන් 15,000 ක් යොදවන ලෙස මැතිවරණ කොමිෂන් සභාව සිවිල් ආරක්ෂක දෙපාර්තමේන්තුවට දැනුම්දී ඇති අතර , මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක මහතා පැවසුවේ , දෙවැනි මනාපය ගණන් කිරීමට සිදු වුවහොත් අවසන් මැතිවරණ ප්රතිඵලය නිකුත් කිරීමේ කාලය නිශ්චිතව කිව නොහැකි බවය.
එමෙන්ම, සියලුම ගණන් කිරීමේ මධ්යස්ථානවලින් පළමු ප්රතිඵලයට අදාළ ගණන් කිරීමේ වාර්තා ලැබුණු පසුව, සියයට 50 ක් හෝ ඊට වැඩි ඡන්ද ප්රතිශතයක් අපේක්ෂකයකු ලබාගෙන නොසිටියේ නම් යළි දෙවන මනාපය ගණන් කරන ලෙස ගණන් කිරීමේ මධ්යස්ථානවලට කොමිසමෙන් දැනුම්දීමක් සිදු කරන බව සඳහන්.
පළමු මාස 8හි බදු ආදායම කැපී පෙනෙන ලෙස ඉහළට 
අරගලයදා රූපවාහිනියට කඩා පැන්න ධානිෂ් අලී ප්රබල ජනපති අපේක්ෂකයෙකුගේ ඔඩොක්කුවට පනී 
ත්රීරෝද රථයක තිබී හමු වූ බිළිඳු මළසිරුරේ සුළමුල හෙළිවෙයි 
ශ්රී ලංකා ක්රිකට් කණ්ඩායම දිවයිනට 
සැප්තැම්බර් 21 වනදා ඡන්ද පොළට යනවිට රැගෙන යා යුතු දේ 
ජනාධිපති වෙන්න නම් දිනන්නම ඕනි මැතිවරණ කොට්ඨාස(ආසන) අට 
තිලකරත්න දිල්ෂාන්ගේ දියණිය ශ්රී ලංකා සංචිතයට 
ජනාධිපති අපේක්ෂකයින්ට කඩේ යන ප්රසිද්ධ මාධ්ය ආයතනයන්ට මැතිවරණ කොමිසමෙන් රතු එළි දක්වයි 
ජයවර්ධනපුර සරසවිය දින නියමයක් නොමැතිව වසා දමයි