කුමාර් සංගක්කාරට තනතුර අහිමි වෙයි

ඉන්දීය ක්‍රිකට් කණ්ඩායමේ ප්‍රධාන පුහුණුකරු ලෙස කටයුතු කළ රාහුල් ඩ්‍රාවිඩ් ඉන්දීය ප්‍රිමියර් ලීග් තරගාවලියේ රාජස්ථාන් රෝයල්ස් කණ්ඩායමේ ප්‍රධාන පුහුණුකරු තනතුරට පත්කර තිබේ.

ඒ අනුව 2025 වසරේ IPL තරගාවලියේ සිට රාජස්ථාන් රෝයල්ස් කණ්ඩායමේ මෙහෙයවීමේ වගකීම ඔහුට පැවරෙනු ඇති බව සඳහන්.

ඉන්දීය ප්‍රිමියර් ලීග් තරගාවලියේ 2025 වසර සඳහා ක්‍රීඩක වෙන්දේසිය නුදුරේදීම පැවැත්වීමට නියමිත අතර එහිදී රඳවා ගතයුතු ක්‍රීඩකයින් සම්බන්ධයෙන් ඔහු, රෝයල්ස් හිමිකරුවන් සමග සාකච්ඡා කර ඇති බවයි වාර්තා වන්නේ.

2021 වසරේ සිට රෝයල්ස් කණ්ඩායමේ අධ්‍යක්ෂවරයා ලෙස කටයුතු කළ කුමාර් සංගක්කාර මින් ඉදිරියට වෙනත් ලීග් තරගාවලි සඳහා සහභාගී වන පාර්ල් රෝයල්ස්, (SA20) කැරිබියන් ප්‍රිමියර් ලීග් තරගාවලියේ බාබෙඩෝස් රෝයල්ස් කණ්ඩායම් හා සම්බන්ධව කටයුතු කිරීමට නියමිතය.

ඩ්‍රාවිඩ් ඉන්දීය ක්‍රිකට් පුහුණුකරු තනතුර බාර ගැනීමට පෙර රෝයල්ස් කණ්ඩායමේ නායකයා ලෙස මෙන්ම, පුහුණුකරු ලෙසද කටයුතු කර තිබේ.