මොළයට හානි කරන තවත් මාරාන්තික වෛරසයක් චීනයෙන් හමුවෙයි

මොළයට හානි කරන නව වෛරසයක් ගැන චීන විද්‍යාඥයින් අනතුරු අඟවනවා.

මෙම වෛරසය හඳුන්වා ඇත්තේ “තෙත් බිම් වෛරසය” ලෙසයි.

නව වෛරසය කිනිතුල්ලන්ගේ දෂ්ටනයෙන් මනුෂ්‍යන්ට ආසාදනය වන බව ඒ අනුව ඔවුන් පෙන්වා දෙනවා. මොළයට හානි කරමින් එම වෛරසය ස්නායු පද්ධතියම අඩපණ කරන බවයි ඔවුන් සඳහන් කරන්නේ.

මෙම වෛරසයට මෙතෙක් ප්‍රතිකර්මයක් නොමැති අතර ප්‍රතිජීවක ඖෂධවලින් ද මෙම වෛරසය අඩපණ කළ නොහැකි බව විද්‍යාඥයින් පවසනවා.

චීන විද්‍යාඥයින් මෙම වෛරසය මුලින්ම හඳුනාගෙන ඇත්තේ 2019 දීයි. ඒ උණ, හිසරදය, වමනය ආදී රෝග ලක්ෂණ සහිත රෝගියෙකු ජින්සෝ නගරයෙන් හමුවීමත් සමඟයි.