වරකාපොළදී අනතුරක්! 20ක් රෝහලට!

කොළඹ – නුවර මාර්ගයේ, වරකාපොළ, දුම්මලදෙණිය ප්‍රදේශයේ දී බස් රථයක් සහ ලොරි රථයක් මුහුණට මුහුණ ගැටී අද (11) පෙරවරුවේ අනතුරක් සිදුව තිබේ.

අනතුරින් තුවාල ලැබූ පුද්ගලයින් 20 දෙනෙකු වරකාපොළ රෝහලට ඇතුළත් කර ඇති බව පොලීසිය පවසයි.

ඒ අතර ලොරි රථයේ රියදුරු ද සිටින බවත් ඔහුගේ තත්ත්වය බරපතල බවද පොලීසිය පැවසීය.

අනතුරින් හේතුවෙන් කොළඹ – නුවර මාර්ගයේ රථවාහන තදබදයක් ඇතිව තිබෙන බව පොලිසිය සඳහන් කරයි.