පැතුම් නිස්සංක ටෙස්ට් ශ්‍රේණිගත කිරීම්හි කැපී පෙනෙන ලෙස ඉදිරියට

නවතම ටෙස්ට් ශ්‍රේණිගත කිරීම්වලට අනුව ශ්‍රී ලංකා ක්‍රීඩකයන් රැසක් ශ්‍රේණිගත කිරීම්වල ඉදිරියට පැමිණීමට සමත්ව තිබේ.

ඒ අනුව ශ්‍රී ලංකා ක්‍රීඩකයන් හය දෙනෙක් නවතම ICC පිරිමි ටෙස්ට් ශ්‍රේණිගත කිරීම්වල ඉදිරියට පැමිණ ඇත.

ශ්‍රී ලංකා ටෙස්ට් ක්‍රිකට් කණ්ඩායමේ නායක ධනංජය සිල්වා ස්ථාන 3ක් ඉදිරියට පැමිණෙමින් 13 වන ස්ථානය දක්වා ඉදිරියට පැමිණ ඇත.

තෙවැනි තරගයේදී අර්ධ ශතකයක් හා ශතකයක් රැස් කළ පැතුම් ස්ථාන 42ක් ඉදිරියට පැමිණ 39 වැනි ස්ථානයට පත්ව සිටී.

එමෙන්ම කමිඳු මෙන්ඩිස් ස්ථාන 6ක් ඉදිරියට එමින් 19වන ස්ථානය දක්වා ඉදිරියට පැමිණ ඇත.

මේ අතර නවතම ටෙස්ට් පන්දු යවන්නන් ශ්‍රේණිගත කිරීම්වල ශ්‍රී ලංකා ක්‍රීඩකයන් තිදෙනෙකු ශ්‍රේණිගත කිරීම්හි ඉහළට පැමිණ තිබේ.

විශ්ව ප්‍රනාන්දු එංගලන්තයට එරෙහි ටෙස්ට් තරඟයේදී කඩුලු 5ක් දවා ගනිමින් 31 වැනි ස්ථානය දක්වා ස්ථාන 13ක් ඉදිරියට පැමිණ ඇත.

ලහිරු කුමාර 32 වැනි ස්ථානය දක්වා සහ මිලාන් රත්නායක 84 වැනි ස්ථානය දක්වාද ඉදිරියට පැමිණ ඇත.