අභිරහස් ලෙස මිය ගිය ගුරුවරයෙකුගේ මළ සිරුරක් ගුරු නිවාසයකින් හමුවෙයි

මුලතිව් ප්‍රදේශයේ පදිංචි ගුරුවරයෙකුගේ මළ සිරුර ඔහු සේවය කරන පුල්මුඩේ මහා විද්‍යාලයේ ගුරු නිවාසයක් තුළ තිබී ඊයේ (07) පොලිසියට හමු වී තිබෙනවා.

මුලතිව් ප්‍රදේශයේ පදිංචි 28 හැවිරිදි මෙම ගුරුවරයා ඔහුගේ ස්ථාන මාරුවීම සකසා ගැනීම පිණිස නැගෙනහිර පළාත් ආණ්ඩුකාර කාර්යාලය වෙත යන බව විදුහල්පතිවරයාට හා ඔහුගේ මිතුරන්ට ප්‍රකාශ කර ඇති අතර, ඉන් පසුව ඔහු පාසල තුළ දැක ගන්නට ලැබී නොමැති බවට සඳහන්.

ඔහුගේ බිරිඳ මුලතිව් සිට ගුරුවරයාට දුරකථන ඇමතුම් කීපයක්ම ලබා ගත් නමුත් ඔහු ඒවාට පිළිතුරු ලබා නොදීම නිසා පාසලේ ගුරුවරියකට දුරකථන ඇමතුමක් ලබා දී ඔහු ගැන විමසා තිබෙනවා.

එම අවස්ථාවේදී පාසලේ ගුරුවරු පිරිසක් ඔහු නේවාසිකව සිටි ගුරු නිවාසයට ගොස් බලන විට යට ඇදුමක් පමණක් ඇතිව ඇදක් මත මියගොස් සිටි ගුරුවරයාගේ මළ සිරුර හමු වී තිබෙනවා.

ඔහුගේ කකුල්වලින් අධික ලෙස රුධිරය වහනය වෙමින් තිබූ බවය ගුරුවරු කිය සිටින්නේ.

සිද්ධිය සම්බන්ධයෙන් වැඩිදුර පොලිස් පරීක්ෂණ ක්‍රියාත්මකයි.