කොළඹ Parking ගාස්තු ගැන විශේෂ දැනුම්දීමක්

පොදු රථගාල්වල වාහන නවතා තැබීමේදී මුල් මිනිත්තු 10 සඳහා කිසිදු ගාස්තුවක් අය නොකරන බව කොළඹ මහ නගර සභාව නිවේදනය කර තිබෙනවා.

කොළඹ මහ නගර සභාවේ නියෝජිතයෙකු මාධ්‍ය වෙත අදහස් දක්වමින් සඳහන් කළේ, පොදු රථගාල් භාවිතා කරන රියදුරන් සඳහා වාහනය නවතා තැබූ කාලය නිරීක්ෂණය කිරීම සඳහා රිසිට්පතක් නිකුත් කරනු ලබන බවයි.

ඒ අනුව,  මිනිත්තු 10ට වැඩි කාලයක් රථගාලේ වාහනය නවතා තබන අවස්ථාවලදී පමණල් රුපියල් 70ක ගාස්තුවක් අය කිරීමට තීරණය කර තිබෙනවා.

පොදු රථගාලක වාහනයක් නැවැත්වූ වහාම ගාස්තුවක් අය කිරීමට කිසිදු නීතිමය පදනමක් නොමැති බවද කොළඹ මහ නගර සභාවේ නියෝජිතයා අවධාරණය කර තිබුණා.

එමෙන්ම,  පොහොය දිනවලදී සහ විශේෂ නිවාඩු දිනවලදී පොදු රථගාල්වල වාහන නවතා තැබීම සඳහා ගාස්තු අය නොකෙරෙන බවද  කොළඹ මහ නගර සභාව තවදුරටත් දැනුම් දෙනවා.