මුදල් ගැරීමේ ජාවාරමක් පිළිබඳව ශ්‍රී ලංකා රේගුවෙන් දැනුම්දීමක්

රේගු අධ්‍යක්ෂ ජනරාල්වරයාගේ නාමය හා තනතුර වංචනිකව යොදා ගනිමින් වට්ස් ඇප් පණිවිඩ හරහා විවිධ පුද්ගලයන්ගෙන් මුදල් ඉල්ලීමේ සංවිධානාත්මක ජාවාරමක් ගැන තොරතුරු වාර්තා වී ඇති බව ශ්‍රී ලංකා රේගු දෙපාර්තමේන්තුව පවසනවා.

‘ඩී ජී සී මිස්ටර් නෝනිස් යන නමින් වූ වට්ස්ඇප් අංකයකින් බැංකු ගිණුම් අංකද සඳහන් කරමින් සහ විවිධ හේතු දක්වමින් මෙම ඉල්ලීම් සිදු කරන බවටයි මෙහිදී වාර්තා වී ඇත්තේ.

‘මෙම වංචනික පුද්ගලයන්ගේ ක්‍රියා කලාපයන්ට හසු නොවන ලෙසයි රේගු මාධ්‍ය ප්‍රකාශක අතිරේක අධ්‍යක්ෂ ජනරාල් සීවලී අරුක්ගොඩ මහතා ජනතාවගෙන් ඉල්ලා සිටින්නේ.

එවැනි සිදුවීමක් වුවහොත් ළඟම ඇති පොලිස් ස්ථානයට දන්වා සිටින ලෙසයි ඔහු වැඩිදුරටත් පවසා සිටියේ.