රෝගීන් ඇපයට තබාගෙන, රෝගීන් දුෂ්කරතාවයට පත්වන අයුරින්, සෞඛ්‍ය සේවය අඩපණ වන ආකාරයට කිසිවෙක් කටයුතු කරනවානම් ජනතාවගේ පැත්තේ සිටගෙන ඒ වෙනුවෙන් තීන්දු ගැනීමට වත්මන් රජය බැඳීසිටින බව අමාත්‍ය වෛද්‍ය නලින්ද ජයතිස්ස මහතා පවසනවා.
සෞඛ්‍ය හා ජනමාධ්‍ය අමාත්‍යවරයා මෙහිදී අවධාරණය කර සිටියේ, ඒ වෙනුවෙන් නොපැකිළිව කටයුතු කරන බවයි.
අමාත්‍යවරයා ඒ බව කියා සිටියේ ලෝක වකුගඩු දිනය වෙනුවෙන් සමස්ත ලංකා වකුගඩු රෝගීන්ගේ සංගමය සංවිධානය කරන ලද ලෝක වකුගඩු දින සැමරුම් උත්සවයට ප්‍රධාන ආරාධිත අමුත්තා ලෙස එක්වෙමින්.
වත්මන් රජයේ ප්‍රමුඛ අරමුණ ජනතාවගේ සෞඛ්‍ය තත්ත්වය මෙන් ම සෞඛ්‍ය ආරකෂාව බවත්, මෙම පණිවුඩය තේරුම් ගෙන සියලු සෞඛ්‍ය වෘත්තිකයන් කටයුතු කරනු ඇතැයි සෞඛ්‍ය අමාත්‍යාංශයත්, රජයත් බලාපොරොත්තු වන බව සෞඛ්‍ය හා ජනමාධ්‍ය අමාත්‍යවරයා මෙහිදී සඳහන් කළා.
එමෙන්ම, සෞඛ්‍ය වෘත්තිකයින් සමග සාකච්ඡාකර විසදාගත නොහැකි ගැටලු, ප්‍රශ්න කිසිවක් නොමැති බවත්, ඒ වෙනුවෙන් රජය ඕනෑම අවස්ථාවක කැපවීමට සූදානම් බවද අමාත්‍යවරයා පැවසුවා.
කලින් පැවති රජයන්, කටයුතු කළ ආකාරයට නොව ජනතාවට, සෞඛ්‍ය වෘත්තිකයින්ට අවශ්‍ය ඕනෑම ගැටලුවක්, ප්‍රශ්නයක් වර්තමාන රජය සමග සාකච්ඡා කර විසඳාගැනීමට හැකියාව ඇති බවත්, එම සාකච්ඡාවලට රජයක් ලෙස ජනතාවගේ පැත්තේ සිට ගෙන විසඳුම් ලබා දෙන්නට ඕනෑම අවස්ථාවක සූදානම් බව ද අමාත්‍යවරයා මෙහි දී අවධාරණය කර සිටියා.
ලක්ෂ එකහමාරක සෞඛ්‍ය බලඇණියක් මෙරට සෞඛ්‍ය ක්ෂේත්‍රයේ කටයුතු කරන බවත්, ඔවුන්ගේ සේවාව මෙරටට අත්‍යවශ්‍ය බව ද, එම පිරිස විශාල කාර්යභාරයක් උසුලමින් කටයුතු කරන බව ද අමාත්‍යවරයා මෙහිදී සිහිපත් කළා.
වාට්ටුවට, බාහිර රෝගී අංශයට, සායනයට, විවිධ දුෂ්කරතාවයන් සමග පැමිණෙන රෝගියා වෙනුවෙන් ඉහළ ම සත්කාරය ලබාදීම සෞඛ්‍ය වෘත්තිකයන්ගේ වගකීමක්, යුතුකමක් බව ද සෞඛ්‍ය හා ජනමාධ්‍ය අමාත්‍යවරයා මෙහිදී පෙන්වා දුන්නා.
රාජ්‍ය සංවිධාන, රාජ්‍ය නොවන සංවිධාන, ස්වේච්ඡා සංවිධාන මේ සියලු දෙනාගේම අවසන් බලාපොරොත්තුව මෙරට සෑම පුරවැසියෙකුටම උසස් සෞඛ්‍ය සම්පන්න ජීවිතයක් අත්පත් කර දිම බව පෙන්වා දුන් අමාත්‍යවරයා, එයට රජය විසින් වියදම් කරනු ලබන්නේ ජනතාව විසින් ම ගෙවන බදු මුදල් බවත්, වත්මන් රජයේ අපේක්ෂාව මෙරට ජනයාගෙන් භාණ්ඩාගාරයට එකතු කරන සෑම බදු රුපියලකටම අවශ්‍ය කරන ඉහළ ම වටිනාකම ලබා දීම බව ද පැවසුවා.
ජාතික සැලැස්මකට අනූව කටයුතු කිරීම වත්මන් රජයේ අපේක්ෂාව බව ද පැවසූ අමාත්‍යවරයා කිසිඳු අවස්ථාවක දේශපාලඥයින්ගේ ප්‍රතිරූප ඉහළ නැංවීමට අදහස් නොකරන බවත්, ඒ වෙනුවට ජනතා සේවය නිබඳව සිදු කරන බව ද සඳහන් කළා.
ඩිල්ෂාන් මධුසංඛ හා සධීර සමරවික්රම ශ්රී ලංකා පිලට පහසු ජයක් ගෙනෙයි 
‘සිරි දළදා වන්දනාව’ තෙවන දිනට අවසන් වෙයි! සැදැහැවතුන් ලක්ෂ 4ක් නුවරට! 
ආන්දෝලනයකට තුඩු දුන් සිය කතාව සම්බන්ධයෙන් ජනපතිගෙන් පැහැදිලි කිරීමක් 
ට්රම්ප්ගේ පාලනයට එරෙහිව ඇමෙරිකානුවන් වීදි බසිති 
ව්‍යාපාරික ඔස්මන් ගුණසේකර ඝාතන උත්සාහය හතරවන වරටත් ව්‍යාර්ථ වෙයි! ඝාතන සැලසුමට සම්බන්ධ 9ක් අත්අඩංගුවට! 
කැබ් රථයක් පෙරළී යාමෙන් 08 දෙනෙක් තුවාල ලබයි 
කාලගුණයෙන් අවවාදාත්මක නිවේදනයක් 
හෙටින් ඇරඹෙන පළමු පාසල් වාරයේ තෙවැනි අදියර අවසන් වන දිනය 
දින 10කදී ලංගමට බිලියනය ඉක්ම වූ ආදායමක් 
කොටහේන ප්රදේශයෙන් ගමන් ගන්නා රියදුරන්ට දැනුම්දීමක් 
ශ්රී ලංකා රුපියලෙහි කැපී පෙනෙන අවප්රමාණය වීමක් 
දුම්රියේ ගැටීමෙන් හා දුම්රියෙන් වැටීමෙන් දෙදෙනෙකු මරුට