තංගල්ල පොලිස් වසමේ කුඩාවැල්ල ධීවර වරායට ඇතුළු වන දොරටුව ආසන්නයේදී අයිස් මත්ද්‍රව්‍ය සහ හෙරොයින් සන්තකව සිටි ලොරි රථ රියදුරෙකු සහ රිය සහයෙකු අත්අඩංගුවට ගෙන තිබෙනවා.
ඒ, තංගල්ලල පොලිස් ස්ථානයේ රථවාහන අංශයේ නිලධාරින් දෙදෙනෙකු විසින් සැකකටයුතු ලොරි රථයක් නවතා පරීක්ෂා කිරීමේදීයි.
එහිදී අදාළ ලොරි රථයේ තිබී අයිස් මත්ද්‍රව්‍ය කිලෝ 65යි ග්‍රෑම් 720ක්, හෙරොයින් කිලෝ 52යි ග්‍රෑම් 280ක් හා සැටලයිට් දුරකථන දෙකක් සොයාගෙන තිබෙනවා.
අත්අඩංගුවට ගත් සැකකරුවන් 34 සහ 35 වයස්වල පසුවන පැපිලිවෙල සහ ගුන්නෑපාන ප්‍රදේශවල පදිංචිකරුවන් බවයි පොලිස් මාධ්‍ය කොට්ඨාසය පැවසුවේ.
ලොරි රථය නතර කිරීමේදී එහි සිටි සැකකරුවෙකු පලා ගොස් ඇති අතර තංගල්ල පොලීසිය මගින් වැඩිදුර විමර්ශන ක්‍රියාත්මකයි.
මේ අතර නාවික හමුදාව විසින් ගැඹුරු මුහුදු තීරයේදී සෝදිසි කරන ලද බහුදින ධීවර යාත්‍රාවක තීබී අයිස් මත්ද්‍රව්‍ය සහ හෙරොයින් සමඟ සැකකරුවන් 06 දෙනෙකු අත්අඩංගුවට ගෙන තිබෙනවා.
එහිදී අයිස් මත්ද්‍රව්‍ය කිලෝ 42යි ග්‍රෑම් 334ක් සහ හෙරොයින් කිලෝ 77යි ග්‍රෑම් 484ක් සොයාගෙන ඇති බවයි පොලිස් මාධ්‍ය කොට්ඨාසය පැවසුවේ.
අත්අඩංගුවට ගත් සැකකරුවන් අවුරුදු 19ත් 50ත් අතර වයස්වල පසුවන දෙවිනුවර සහ වලස්ගල ප්‍රදේශවල පදිංචිකරුවන් වනවා.
මත්ද්‍රව්‍ය සහිත බහුදින යාත්‍රාව දික්ඕවිට – බටහිර කොළඹ වරාය තීරයට රැගෙන ඒමෙන් පසු වැඩිදුර විමර්ශන සඳහා පොලිස් මත්ද්‍රව්‍ය කාර්යංශය වෙත භාරදී ඇති බවයි පොලිස් මාධ්‍ය කොට්ඨාසය පැවසුවේ
බිහිසුණු බස් රථ අනතුරක්! පාසල් සිසුන් ඇතුළු 28ක් රෝහලට! 
සිරි දළදා වන්දනාව පිළිබඳව රටටම වැදගත් දැනුම්දීමක් 
ඇමති විජිත හා තවත් මන්ත්රීවරුන් දෙදෙනෙක් වතිකානුවට 
දෙවිනුවර ද්විත්ව ඝාතනයේ තවත් සැකකරුවෙක් මාට්ටු 
අද මි.මී. 100 ඉක්ම වූ ලොකු වැස්සක් 
ඉන්දීය හා පාකිස්තාන හමුදා අතර වෙඩි හුවමාරුවක් 
ජනපති අනුර හදිසියේම නුවරට පැමිණෙයි 
මිද්දෙණිය ත්රිත්ව ඝාතනයේ යතුරුපැදිකරු අත්අඩංගුවට 
ධම්මික පෙරේරා සිමෙන්ති බිස්නස් එකටත් අත ගහයි 
ඩෑන් ප්රියසාද් ඝාතනයේ සුලමුළ හෙළිවෙයි! ප්රධාන සැකකරු සියල්ල වමාරයි! 
දස වසරකට පෙර කළ වරදකට මරණ දඬුවම නියම වෙයි 
සිඟිත්තියකට දිවි අහිමි කළ මාරක අනතුර