පෘථිවියේ භ්‍රමණය වේගවත් වෙයි! අද දවස කෙටි වෙයි!

මේ වසරේ ජූලි සහ අගෝස්තු මාසවලදී පෘථිවිය අසාමාන්‍ය ලෙස කෙටි දින කිහිපයක් පසු කරන බව විදෙස් මාධ්‍ය සඳහන් කරනවා.

ඒ අනුව ඉතිහාසයේ වාර්තා වූ දෙවැනි කෙටිම දිනය ලෙස අද දිනය වාර්තා වී තිබේ.

අද දිනයේදී පෘථිවිය සාමාන්‍ය පැය 24 ට වඩා අඩු කාලයකින් භ්‍රමණය සම්පූර්ණ කරන බවත් එහි මිලි තත්පර 1.34ක වෙනසක් පවතින බවත් සඳහන්.

අද (22) සහ අගෝස්තු 5 යන දිනවලදී පෘථිවිය වේගවත් භ්‍රමණයක් සිදු වීමට නියමිත බවයි අපේක්ෂා කෙරෙන්නේ.

පෘථිවිය එහි අක්ෂය වටා එක් භ්‍රමණයක් සම්පූර්ණ කිරීමට ගතවන කාලය සාමාන්‍ය දිනයක් ලෙස හඳුන්වන අතර දළ වශයෙන් එය තත්පර 86,400ක්.