සජිත් දැඩි වෙයි! මහනුවරදී පිස්සු නැටූ සජබ මන්ත්‍රීවරුන්ට වැඩ වරදී!

ආපදා සහන මධ්‍යස්ථානයක් අවහිර කරමින් කටයුතු කළ මහනුවර නගර සභාවේ සමගි ජන බලවේගයේ නියෝජිතයන් කිහිප දෙනෙකුට එරෙහිව විනය පරීක්ෂණයක් පැවැත්වීමට එම පක්‍ෂය තීරණය කරඇත.

මහනුවර නගර සභා පරිශ්‍රයේ ස්වේච්ඡා මෙහෙයවීම් මත ක්‍රියාත්මක වූ සහන මධ්‍යස්ථානයක් අවහිර වන ආකාරයට හා ඊට විරෝධය පලකරමින් මෙම නියෝජිත පිරිස හැසිරී තිබේ.

මේ පිළිබඳව සමගි ජන බලවේගයේ නායක විපක්ෂ නායක සජිත් ප්‍රේමදාස මහතාට කිහිප දෙනෙකු පැමිණිලි කර තිබෙන අතර ඒ සම්බන්ධයෙන් වහා පියවර ගන්නා ලෙස සජිත් ප්‍රේමදාස මහතා එම පක්ෂයේ මහ ලේකම් වෙත දැනුම් දී ඇත.

ඒ අනුව එම විරෝධයතාවයට එක් වෙමින් සහන සේවා කටයුතු අවහිර කළ නගර සභාවේ නියෝජිතයන්ට එරෙහිව කඩිනමින් විනය පියවර ගැනීමට කටයුතු ආරම්භ කළ බව සමගි ජන බලවේගී ජෙෂ්ඨ ප්‍රකාශකයෙක් පැවසීය.

ප්‍රජාවන් මානුෂීය සහයෝගය මත යැපෙන මෙවැනි අවස්ථාවක, ස්වේච්ඡා කණ්ඩායමේ ක්‍රියාකාරකම්වලට විරෝධය දැක්වූ සාමාජිකයින්ගේ හැසිරීම පිළිගත නොහැකි බවයි විපක්ෂනායකවරයා ද සිය x සමාජ මාධ්‍ය ගිණුමෙහි සටහනක් තබමින් සඳහන් කර තිබේ.