ඉම්රාන් ඛාන්ට සහ ඔහුගේ බිරිඳට නියම වූ සිර දඬුවම

රාජ්‍ය තෑගි සම්බන්ධ වංචා නඩුවක් හේතුවෙන් හිටපු පකිස්ථාන අගමැති ඉම්රාන් ඛාන් සහ ඔහුගේ බිරිඳ බුෂ්රා බිබීට තවදුරටත් සිර දඬුවම් නියම කර තිබේ.

2021 රාජ්‍ය සංචාරයකදී සෞදි අරාබියේ මොහොමඩ් බින් සල්මාන් විසින් සකස් කරන ලද සුඛෝපභෝගී රාජ්‍ය තෑගි අඩු මිලට මිලදී ගැනීම සම්බන්ධ දූෂණ නඩුවකදී ඉම්රාන් ඛාන් සහ ඔහුගේ බිරිඳ වරදකරුවන් වී ඇත.

මෙම යුවළ දැනටමත් පෙර වැරදි සඳහා සිර දඬුවම් විඳිමින් සිටින අතර, නව දඬුවම් ලෙස සාපරාධී විශ්වාසය කඩ කිරීම සඳහා වසර 10ක් සහ සාපරාධී විෂමාචාරය සඳහා වසර 7ක සිරදඩුවමක්ද ඔවුන්ගේ පෙර දඬුවම්වලට සමගාමීව ක්‍රියාත්මක වන බව වාර්තා වේ.

ඔවුන්ගේ සිර දඬුවම්වලට අමතරව, මෙම යුවළට ඇමරිකානු ඩොලර් 60,000කට ආසන්න දඩ මුදලක් ද නියම කරන ලදී.

රාජ්‍ය රහස් හෙළිදරව් කිරීමේ සිට රාජ්‍ය තෑගි විකිණීම දක්වා නඩු 100 කට වැඩි ගණනකට ඉම්රාන් ඛාන්ට චෝදනා එල්ල වී තිබෙන බව විදෙස් මාධ්‍ය සඳහන් කර ඇත.