කෑගල්ල දැරණියගල, නූරි පොලිස් බලප්රදේශයට අයත් නූරි වත්තේදී පසුගිය ජනවාරි 02 වැනිදා මියගිය 14 හැවිරිදි පිරිමි ළමයෙකුගේ මරණය සම්බන්ධයෙන් පවතින අබිරහස හේතුවෙන්, අවිස්සාවේල්ල මහෙස්ත්රාත් ප්රමොද් ජයසෙකර මහතා ඉදිරියේ අද (12) එම දේහය යළි ගොඩගැනුණි.
පසුගිය ජනවාරි 2 වන දින අදාළ පිරිමි ළමයා සිය මව සහ පියා සමඟ නිවසේ සිටියදී අබිරහස් ලෙස මියගොස් තිබුණි.
සිද්ධිය සම්බන්ධයෙන් නූරි පොලීසිය සිදුකළ මූලික විමර්ශනවලදී මරණය සම්බන්ධයෙන් සැකයක් මතු වූ බැවින්, එම දරුවාගේ මව සහ පියා අත්අඩංගුවට ගෙන ඇත.
අත්අඩංගුවට ගත් සැකකරුවන් අවිස්සාවේල්ල මහෙස්ත්රාත් අධිකරණයට ඉදිරිපත් කිරීමෙන් අනතුරුව, අධිකරණ නියෝග මත මේ වන විට කුරුවිට බන්ධනාගාරයේ රිමාන්ඩ් බන්ධනාගාරගත කර සිටී.
දරුවාගේ මරණය සම්බන්ධයෙන් දැඩි සැකයක් පවතින බව පවසමින් ඔහුගේ ඥාතීන් සහ නූරි වත්තේ ජනතාව පසුගිය 06 වැනිදා වතුයායේ විරෝධතාවයක නිරත වූහ.
දරුවාගේ මරණය පිටුපස ඇති සත්යය අනාවරණය විය යුතු බවත්, විධිමත් පරීක්ෂණයක් පවත්වන ලෙසත් ඔවුහු එහිදී බලකර සිටියහ.
මරණයට නිශ්චිත හේතුව සෙවීමේ අරමුණින්, අවිස්සාවේල්ල මහෙස්ත්රාත්වරයා ඉදිරියේ අද සිරුර ගොඩගෙන වැඩිදුර පශ්චාත් මරණ පරීක්ෂණ සඳහා යොමු කිරීමට නියමිතය.
මෙම සිද්ධිය ප්රදේශයේ දැඩි නොසන්සුන්තාවක් ඇති කර ඇති අතර පොලීසිය වැඩිදුර විමර්ශන තීව්ර කර ඇත.
හොර හරක් ලොරියට වෙඩි 
ලිට්රෝ ගෑස් මිල පිළිබඳව දැනුම්දීමක් 
කස්සප හිමි ඇතුළු පිරිසට අද ලැබුණු නියෝගය 
විමල්ට වැඩ වරදී! ඇමති නලින්දගෙන් එන්තරවාසියක්! 
පූජ්ය කොටපිටියේ අනුනායක හිමියන්ගෙන් ආණ්ඩුවට අවවාදයක් 
නීතිඥවරයෙකුට වසර 3ක සිරදඬුවම්! නීතිඥ භාවයෙන් නෙරපන්නත් නියෝග! 
සුවිශේෂී මිලකට ශ්රී ලංකාවේ වෙළඳපොලට හඳුන්වා නවතම Browns EV රථය (ඡායාරූප) 
අද දවසේ කාලගුණය 
ජපාන මහ මැතිවරණයෙන් පාලක පක්ෂයට දැවැන්ත ජයක් 
දසුන් ශානකගේ නම ඉදිරියේ ලියවුණු අමිහිරි වාර්තාව 
ඇමති බිමල් දැඩි තීරණයක් ගැනීමට සැරසෙයි 
ශ්රී ලංකා කණ්ඩායම ජයග්රාහීව ලෝක කුසලාන ගමන අරඹයි! පළමු තරගයෙන් විශිෂ්ඨ ජයක්!