විශ්‍රාම වැටුප අහිමි වූ දුක කියා හිටපු මන්ත්‍රීවරුන්ගෙන් ට්‍රම්ප්ට මෝදිට ලියුමක්

පාර්ලිමේන්තු මන්ත්‍රීවරුන්ගේ විශ්‍රාම වැටුප අහෝසි කිරීමට රජය ගෙන ඇති තීරණයට එරෙහිව විශ්‍රාමික පාර්ලිමේන්තු මන්ත්‍රීවරුන්ගේ එකමුතුව ජාත්‍යන්තර සහ දේශීය වශයෙන් දැවැන්ත විරෝධතාවක් ආරම්භ කර තිබේ.

මෙම තීරණය මගින් මන්ත්‍රීවරුන්ගේ මූලික අයිතිවාසිකම් කඩ වන බව පවසමින්, ඒ සඳහා මැදිහත් වන ලෙස ඉල්ලා එම එකමුතුව විසින් පහත නායකයින් සහ ආයතන වෙත පෞද්ගලික ලිපි යොමු කර ඇත

• අමෙරිකානු ජනාධිපතිවරයා
• ඉන්දියානු අග්‍රාමාත්‍යවරයා
• ජිනීවා මානව හිමිකම් කවුන්සිලය
• අන්තර් පාර්ලිමේන්තු සංගමය (IPU)

විශ්‍රාමික පාර්ලිමේන්තු මන්ත්‍රීවරුන්ගේ එකමුතුවේ ලේකම්, හිටපු මන්ත්‍රී ප්‍රේමසිරි මානගේ මහතා සඳහන් කළේ මෙම ක්‍රියාවලිය පිළිබඳව අදාළ පාර්ශ්වයන් දැනුවත් කර ඇති බවයි.

විශ්‍රාම වැටුප් අහෝසි කිරීමේ පනත් කෙටුම්පතට එරෙහිව හිටපු මන්ත්‍රීවරුන් විස්සක් පමණ ශ්‍රේෂ්ඨාධිකරණය හමුවේ පෙත්සම් ගොනු කිරීමට සූදානම් වේ. දැනටමත් පෙත්සම් කිහිපයක් භාර දී ඇති ඇත.

දෙසැම්බර් 7 වැනිදා අධිකරණ සහ ජාතික ඒකාබද්ධතා අමාත්‍ය හර්ෂණ නානායක්කාර මහතා විසින් ඉදිරිපත් කරන ලදී.පනතට එරෙහිව පෙත්සම් ඉදිරිපත් කිරීමට පසුගිය 7 වැනිදා සිට දින 14 ක කාලයක් හිමි වේ.දෙවැනි කියවීම ලබන මස අගදී පැවැත්වීමට නියමිතය.මෙම පනත් කෙටුම්පත සම්මත වුවහොත් හිටපු මන්ත්‍රීවරුන් 512 දෙනෙකුගේ විශ්‍රාම වැටුප අහිමි වනු ඇත.

(source – lankadeepa)