ලෝක සෞඛ්ය සංවිධානය (WHO) සමඟ පැවති දශක ගණනාවක සබඳතාව නිමා කරමින් අමෙරිකා එක්සත් ජනපදය අද (22) එම සංවිධානයෙන් නිල වශයෙන් ඉවත් වීමට නියමිත බව විදෙස් මාධ්ය වාර්තා කරයි.
මෙම ඉවත් වීමත් සමඟ ගෝලීය රෝග මර්දන වැඩපිළිවෙළ සහ ජාත්යන්තර සෞඛ්ය සහයෝගීතාව දැඩි අර්බුදයකට ලක්වනු ඇති බවට විශේෂඥයෝ අනතුරු අඟවති.
2025 වසරේ සිය ධුර කාලය ආරම්භ කළ පළමු දිනයේදීම ජනාධිපති ඩොනල්ඩ් ට්රම්ප් විසින් ලෝක සෞඛ්ය සංවිධානයෙන් ඉවත් වීම සඳහා වන විධායක නියෝගයට අත්සන් තබන ලදී. ගෝලීය සෞඛ්ය අර්බුද කළමනාකරණය කිරීමේදී ලෝක සෞඛ්ය සංවිධානය දැක්වූ අසාර්ථකත්වය හේතුවෙන් අමෙරිකාවට ඩොලර් ට්රිලියන ගණනක ආර්ථික හානියක් සිදුවූ බවට ජනාධිපතිවරයා මීට පෙර චෝදනා කළේය.
අමෙරිකානු නීතියට අනුව සංවිධානයකින් ඉවත් වීමේදී වසරක දැනුම් දීමේ කාලසීමාවක් ලබා දිය යුතු අතර සියලු හිඟ මුදල් පියවිය යුතුය. ඒ අනුව, අමෙරිකාව ලෝක සෞඛ්ය සංවිධානයට ගෙවිය යුතු ඩොලර් මිලියන 260කට අධික හිඟ මුදල ඉදිරියේදී ගෙවීමට සිදුවනු ඇත.
මෙම තීරණයත් සමඟ ලෝක සෞඛ්ය සංවිධානය වෙත අමෙරිකාව ලබාදුන් අරමුදල්, තාක්ෂණික සහයෝගිතා සහ සම්පත් ඉදිරියේදී සම්පූර්ණයෙන්ම නතර වනු ඇත. මින් සිදුවිය හැකි බලපෑම් කිහිපයක් විශේෂඥයින් පෙන්වා දෙයි:
- ගෝලීය රෝග නිරීක්ෂණය: වසංගත තත්ත්වයන් කල්තියා හඳුනා ගැනීමේ ජාත්යන්තර ක්රියාවලිය දුර්වල වීම.
- හදිසි ප්රතිචාර: ලෝකයේ ඕනෑම තැනක ඇතිවන සෞඛ්ය හදිසි අවස්ථා සඳහා දක්වන ප්රතිචාර මන්දගාමී වීම.
- සම්පත් හිඟය: ලෝක සෞඛ්ය සංවිධානයේ විශාලතම මූල්ය දායකයා අහිමි වීමෙන් අත්යවශ්ය සෞඛ්ය ව්යාපෘති අඩාල වීම.
දුම්රිය වැඩ වර්ජනය තාවකාලිකව අත්හිටුවයි 
රජයේ තීරණය රිවස් වෙයි 
ඔබ නිකමට වත් දැනගෙන හිටියාද? මේ විදියටත් පෙනහළු පිළිකා වැළඳෙන්න පුළුවන් කියලා.. 
හදිසි දුම්රිය වර්ජනයට නියෝජ්ය ඇමතිගෙන් සැර පිළිතුරක් 
රටම බලා සිටි පනත් කෙටුම්පතට කථානායක අත්සන් තබයි 
රුපියල් 500ක අල්ලසක් ගත් කතකට වැඩ වරදී 
අකුරේගොඩ ද්විත්ව ඝාතනය ගැන තවත් තොරතුරු රැසක් හෙළි වෙයි 
ඕස්ට්රේලියාවේ ලෝක කුසලානයේ ඉදිරි ගමනට වැස්ස හරස් වෙයි! වසර 17කට පසු අවාසනාවන්ත ඉරණමක්! 
අද මධ්යම රාත්රියේ සිට දුම්රිය රියදුරන් වැඩ වර්ජනයක 
IMF ප්රධානියා ජනපති හමුවෙයි 
Super 8 වටයේ ශ්රී ලංකාව මුහුණදෙන ප්රථම තරගය පැවැත්වෙන දිනය හා වේලාව මෙන්න 
කොකේන් මත්ද්රව්ය එක්ක ජනප්රිය රංගන ශිල්පියෙකු අත්අඩංගුවට