අගවිනිසුරුවරයා ඇතුළු ශ්රේෂ්ඨාධිකරණ විනිසුරුවරුන්ට ද්වේෂ සහගත ලෙස අපහාස කිරීම සහ ශ්රේෂ්ඨාධිකරණ රීති උල්ලංඝනය කිරීමේ චෝදනාවලට වරදකරු වූ හිටපු නීතිඥ සුසිල් ජයතුංග මහතාට බරපතළ වැඩ සහිත වසර තුනක සිර දඬුවමක් නියම කිරීමට ශ්රේෂ්ඨාධිකරණය පියවර ගෙන ඇත.
මීට අමතරව ඔහු නීතිඥ ධුරයෙන් නෙරපා හරින ලෙස ද අදාළ තීන්දුව මඟින් නියෝග කර තිබේ. නීතිපතිවරයා විසින් ගොනු කරන ලද පැමිණිලි තුනක් දීර්ඝ ලෙස විභාග කිරීමෙන් අනතුරුව, ත්රිපුද්ගල ශ්රේෂ්ඨාධිකරණ විනිසුරු මඩුල්ලක් විසින් මෙම තීන්දුව ප්රකාශයට පත් කරන ලදී.
සෙසු විනිසුරුවරුන්ගේ එකඟත්වය ඇතිව තීන්දුව ප්රකාශයට පත් කරමින් ශ්රේෂ්ඨාධිකරණ විනිසුරු අචල වෙංගප්පුලි මහතා සඳහන් කළේ, වගඋත්තරකරුට මීට පෙර වැරදි නොමැති වීම සහ ඔහු තිදරු පියෙකු වීම යන මානුෂීය කරුණු කෙරෙහි දඬුවම නියම කිරීමේදී අධිකරණයේ අවධානය යොමු වූ බවයි.
ඒ අනුව, ඔහු රිමාන්ඩ් භාරයට පත් කළ 2024 ජූලි මස 01 වනදා සිට බලපැවැත්වෙන පරිදි මෙම සිරදඬුවම ක්රියාත්මක විය යුතුය.
නඩු විභාගයක් අතරතුර නීතිඥවරයෙකුට නොගැලපෙන සහ අධිකරණයට අපහාසාත්මක වන අයුරින් කරුණු ඉදිරිපත් කිරීම තුළින් ඔහු වෘත්තීය ආචාරධර්ම කඩ කර ඇති බවත්, එම ක්රියාවන් මඟින් ඔහු නීතිඥ ධුරය දැරීමට නුසුදුසු පුද්ගලයෙකු බව තහවුරු වන බවත් අධිකරණය අවධාරණය කළේය. ඒ අනුව නීතිඥ වෘත්තියෙන් ඔහු නෙරපා හැරීමට අවශ්ය නියෝග නිකුත් කරමින් මෙම නඩු විභාගය අවසන් විය.
කාලගුණයෙන් අවවාදාත්මක නිවේදනයක් 
හර්දික් පාණ්ඩ්යාට එරෙහිව පොලීසියට පැමිණිල්ලක් 
ආබාධ සහිත තැනැත්තන් සඳහා ප්රමුඛතා බස් රථ සේවාවක් 
මහනුවර ජාත්යන්තර පාසලක හදිසි අනතුරක්! හත් හැවිරිදි දරුවෙකුට දිවි අහිමි වෙයි! 
ශ්රී ලංකා මලල ක්රීඩා සංගමයේ නව සභාපති ලෙස බිමල් ප්රසන්න විජේසිංහ තේරී පත්වෙයි 
භූමිතෙල් ලීටර් 4000ක් සමඟ මාට්ටු වූ සැකකරුවන්ට වැඩ වරදී 
ඉරාන ප්රහාරයකින් තෙල් නැව් දෙකක් ගිනිගෙන දැවෙයි 
බ්රිතාන්යය අධිකරණයකින් වරදකරු වූ ශ්රී ලාංකිකයා 
ලෝක තෙල් මිල නැවතත් වේගයෙන් ඉහළට 
තානාපතිවරුන්, මහකොමසාරිස්වරුන් සහ රාජ්ය නියෝජිතයන් දස දෙනෙකු පත් කෙරේ 
කුමාර් සංගක්කාරගෙන් ජනතාවට අනතුරු ඇඟවීමක් 
අස්වැසුම අද බැංකුවට