රුපියල බාල්දු වෙයි! ඩොලරය තවත් නැගිටියි!

ශ්‍රී ලංකා රුපියල ඇමෙරිකානු ඩොලරයට (USD) සාපේක්ෂව තවදුරටත් අවප්‍රමාණය වී ඇති බව ශ්‍රී ලංකා මහ බැංකුව අද (09) නිකුත් කළ දෛනික විනිමය අනුපාතික වාර්තාවේ සඳහන් වේ.

ඒ අනුව,  මහ බැංකුව විසින් අද (09) නිකුත් කරන ලද දෛනික විනිමය අනුපාතික නිවේදනය අනුව එක්සත් ජනපද ඩොලරයක ගැනුම් මිල රුපියල් 332.38ක් ලෙස සටහන් වී ඇති අතර විකුණුම් මිල ලෙස රුපියල් 342.08ක් ලෙස සටහන් වී ඇත.

පසුගිය (03) බදාදා දිනෙන් පසුව ගෙවුණු සතියක කාලය තුළ මහ බැංකුව විසින් නිකුත් කරන ලද විනිමය අනුපාතිකයන් සමඟ සැසඳීමේදී, ඇමෙරිකානු ඩොලරයක ගැනුම් සහ විකුණුම් මිල උපරිම අගයකට පත්ව ඇත්තේ අද දිනයේදී වීම විශේෂත්වයකි.