මුදල් කොමිෂන් සභාවේ නව සභාපති සහ සාමාජිකයන් පත් කෙරේ

මුදල් කොමිෂන් සභාවේ නව සභාපතිනිය සහ සාමාජිකාවක ලෙස එන්. ආර්. අනීස් (N. R. Anees) මහත්මිය පත් කිරීමට ජනාධිපති අනුර කුමාර දිසානායක මහතා පියවර ගෙන තිබේ.

කොමිෂන් සභාවේ සාමාජිකයන්ගේ ධුර කාලය අවසන් වීම හේතුවෙන් පුරප්පාඩුව පැවති ධුර සඳහා මෙම නව පත්වීම් සිදු කර ඇත.

ඒ අනුව, මුදල් කොමිෂන් සභාවේ සෙසු සාමාජිකයන් ලෙස පහත දැක්වෙන මහත්වරුන් පත් කර තිබේ:

• ජේ. එම්. සී. ජේ. විජේතුංග මහතා
• කේ. කරුණාහරන් මහතා

මෙම පත්වීම්වලට අදාළ නිල පත්වීම් ලිපි ජනාධිපති ලේකම් ආචාර්ය නන්දික සනත් කුමානායක මහතා විසින් ජනාධිපති ලේකම් කාර්යාලයේදී අද (20) පස්වරුවේ අදාළ සාමාජිකයන් වෙත භාර දීමට කටයුතු කළේය.