සහයක නියමුවාගේ පහරකෑ ඉන්දීය වීර ගුවන් නියමුවා බලන්න ඩුබායි ඔටුන්න හිමි කුමරු රෝහලට යයි

ඩුබායි සිට ටෙල් අවිව් බලා පියාසර කරමින් තිබියදී Flydubai FZ1073 යානයේ සහයක ගුවන් නියමුවා (Co-pilot) විසින් එල්ල කරන ලද ප්‍රහාරයෙන් බරපතල තුවාල ලබා රෝහල්ගත කර සිටින ඉන්දීය ජාතික වීර ගුවන් නියමු ස්මිට් මච්ඡාර් (Smit Machchhar) සුවදුක් විමසීම සඳහා ඩුබායි හි ඔටුන්න හිමි ෂෙයික් හම්දාන් බින් මොහොමඩ් බින් රෂීඩ් අල් මක්තුම් (Sheikh Hamdan bin Mohammed bin Rashid Al Maktoum) කුමරු පැමිණ තිබෙනවා.

දැඩි ලෙස තුවාල ලබා සිටියද, ක්ෂණිකව ක්‍රියාත්මක වී කොක්පිට් (Cockpit) දොර විවෘත කිරීම මගින් ගුවන් යානයේ සිටි මගීන් සහ කාර්ය මණ්ඩල සාමාජිකයින් 172 දෙදෙනෙකුගේ ජීවිත බේරා ගැනීමට සමත් වූ මෙම ගුවන් නියමුවාට මේ වන විට මුළු ලොවින්ම දැඩි පැසසුම් හිමිවෙනවා.

ගුවන් නියමුවාගේ සුවදුක් විමසා බැලීමෙන් අනතුරුව, ඩුබායි ඔටුන්න හිමි කුමරු එවන ලද X සටහනක දැක්වුණේ, අදාළ නියමුවාගේ නිර්භීත ක්‍රියාකලාපය පිළිබඳව තමන්ගේ සහ සමස්ත රටේම පූර්ණ ඇගයීම හිමිවන බවයි.