හෙට සිට නාඩු, සම්බා සහ කීරි සම්බා සඳහා පාලන මිලක් යටතේ ලබා දීමට ඩඩ්ලි සිරිසේනගෙන් පොරොන්දුවක්

අරලිය සහල් හිමිකරු ඩඩ්ලි සිරිසේන විසින් සහල් වර්ග 03ක් සඳහා නව පාලන මිලක් යටතේ සහල් අලෙවි කිරීමට තීරණය කළ බව ප්‍රකාශ කර සිටියා.

ඒ අනුව හෙට (19) සිට රජයේ පාලන මිල අනුව නාඩු, සම්බා සහ කීරි සම්බා අලෙවි කිරීමට තීරණය කළ බවයි ඩඩ්ලි සිරිසේන ප්‍රකාශ කර සිටියේ.

ඔහු මේ බව ප්‍රකාශ කර සිටියේ අද (18) දිනයේ පැවති මාධ්‍ය හමුවකට එක්වෙමිනි.

එහිදී වැඩිදුරටත් ඔහු ප්‍රකාශ කර සිටියේ මීට මාස තුනකට සාපේක්ෂව ඩීසල් මිල රුපියල් 250/- කින් ඉහල ගොස් ඇති කාලවකවානුවක, අමුද්‍රව්‍ය හිඟකමින් ඇසුරුම් මිල 300% කින් ඉහළ ගොස් ඇති වටපිටාවක අඩු මිල ගණන් යටතේ සහල් වෙළඳපොළට නිකුත් කිරීම අතිශයින්ම දුෂ්කර බවයි.