වල්අලි පාරේ සිටින බැවින් විදුහල්පතිවරයාගේ උපකාරක පන්තියට සහභාගි වීමට අපහසු යැයි කී සිසුවකුට පහර දී පාසලෙන් එළවා දමා ඇති බවට එම දරුවාගේ පියා ළමාරක්ෂණ අධිකාරියට පැමිණිල්ලක් ඉදිරිපත් කර ඇත.
මෙලෙස පහර දී දරුවාට පාසලට නොපැමිණෙන ලෙස පවසා ඇත්තේ ඇහැටුවැව ඇඹෝගම රාහුල විද්යාලයේ විදුහල්පතිවරයාය.
අලුයම හයේ සිට හතයි තිහ දක්වා රුපියල් 2500ක මුදලක් අයකර මෙම උපකාරක පන්තිය පාසල තුළම පවත්වා ඇත. මෙය වන අලි බහුල ප්රදේශයකි.
පාරේ අලි ගැවසෙන හෙයින් පැමිණීමට අපහසු බව පවසා මෙම දරුවා මුදල් පමණක් විදුහල්පතිවරයාට ලබාදී පන්තියට සහභාගි වී නොමැත.
එයට කිපුණු විදුහල්පතිවරයා මෙලෙස දින හතරක් පාසලට පැමිණි සිසුවාට පහර දී තිබේ. තමාට පහර දීමට තැත් කළ මෙම දරුවා පාසලෙහි තබාගැනීමට නොහැකි නිසා වෙනත් පාසලකට ඇතුළත් කරගන්නා ලෙස විදුහල්පතිවරයා දෙමව්පියන්ට පවසා ඇත.
ප්රදේශයේ ස්වාමීන් වහන්සේලා, ග්රාම නිලධාරී ඇතුළු පිරිසක් විදුහල්පතිවරයාට මෙලෙස කටයුතු නොකරන ලෙස ඉල්ලා ඇතත් ඒ කිසිවක් ඔහු ගණනකට ගෙන නැතැයි පැවසේ.
මෙම විදුහල්පතිවරයා මීට පෙරද දරුවන්ට අමානුෂික අයුරින් පහරදීම් සම්බන්ධයෙන් චෝදනා 15ක් පමණ එල්ල වූ අයකු බව මහව කලාප අධ්යාපන කාර්යාලයේ නිලධාරීහු පවසති. මෙම විදුහලටද ස්ථාන මාරු එවා ඇත්තේ පහරදීමක් සම්බන්ධව චෝදනාවකට බවද පැවසේ.
හිංසනයට පත් දරුවා සංගීත අංශයේ පැවැත්වූ තරගවලින් සමස්ත ලංකා තරගවලට තේරීපත් වුවද ඇඳුම් මැසීමට යැයි පවසා රුපියල් 2500ක මුදලක් ගෙන තරගවලට සහභාගි නොකර ඇති බවද වාර්තා වී ඇත.
මේ සම්බන්ධව මහව කලාප අධ්යාපන අධ්යක්ෂ බන්දුලානී බස්නායකගෙන් විමසූ අවස්ථාවේදී ප්රකාශ කළේ තමන් එවැනි දෙයක් පිළිබඳව දැනුවත්ව නොමැති බවකි.
එහෙත් දෙමව්පියන් පවසන්නේ කලාප අධ්යක්ෂවරිය හමුවට ගොස් සිදුවීම ප්රකාශ කළද ඇයද පවසා ඇත්තේ වෙනත් පාසලක් තෝරාගෙන ඉවත්ව යන ලෙසටයි.
මේ සම්බන්ධව ළමාරක්ෂණ අධිකාරියේ සභාපති කථිකාචාර්ය උදය කුමාරගෙන් විමසූ අවස්ථාවේදී ප්රකාශ කළේ මේ සම්බන්ධයෙන් සොයා බලා විධිමත් ලෙස කටයුතු කිරීමට නියෝග ලබාදුන් බවකි.
(හේමන්ත ලියනපතිරණ)
NEXT :

වෛද්ය විද්යාවේ නව පෙරළියක්! පිළිකා රෝගීන්ට සුබ ආරංචියක්!
දෙවුන්දර දේවාලයේ වැඩබලන බස්නායක නිලමේ ධුරය සම්පත් කිරිගේට
රටම කැළඹූ අනුරාධපුර පූජාභූමි සංවර්ධන වැඩසටහන ගැන වැඩබලන අටමස්ථානාධිපති හිමි කළ ඉල්ලීම
බියකින් හෝ අවිශ්වාසයකින් තොරව ලංකාවේ ආයෝජනය කරන්න! අශෝක රන්වල ජපන් බසින් විදේශ ආයෝජකයන්ට කළ ඇරයුම!
ප්රදේශ කිහිපයකට ගිගුරුම් සහිත වැසි
රාජ්ය සේවක වැටුප් සඳහා වසරකට රුපියල් බිලියන 900ක්
නකල්ස් ප්රදේශයෙන් හමුවූ 15 හැවිරිදි දැරිය සහ බිළිදා ගැන කාන්තා කටයුතු අමාත්යවරියගෙන් ප්රකාශයක්
පළමු ශ්රේණියට දරුවන් ඇතුළත් කිරීම පහත වැටෙයි
ලංකාවේ සෑම පස්දෙනෙකුගෙන් එක් අයෙකුටම පවතින රෝගයක් ගැන අනාවරණයක්
අද දවසේ කාලගුණයේ සිදුවන වෙනස
සෞඛ්ය අමාත්යාංශයේ 223 දෙනෙකුට නව පත්වීම්! වෛද්යවරුන් 1,600ක් මේ මාසය අවසන් වීමට පෙර බඳවා ගැනේ!
රයිස් සහ කොත්තු සහ කෙටි කෑමවල මිල ඉහළට