පාසල් ළමුන් ඉලක්ක කරගෙන දුම්කොළ මිශ්ර මාවා නමින් හඳුන්වන මත්විට අලෙවි කළ පුද්ගලයකු ලක්ෂ දහයකට ආසන්න වටිනා මාවා මත්ද්රව්ය තොගයක් සමග පානදුර එළුවිල හංදිය ප්රදේශයේ වෙළඳසැලකදී අත්අඩංගුවට ගත් බව පානදුර වලාන දූෂණ මර්ධන ප්රහාරක ඒකකය කියයි.
සැකකරු වෙළඳසල තුළ සඟවා තිබූ මාවා මත්ද්රව්ය කීලෝ දහයකට ආසන්න තොගයක් පොලිස් බාරයට ගෙන ඇත.
පානදුර අවට පාසල් සිසුන් මෙන්න අමතර පන්ති කරා යන සිසුන් දුම් කොළ මිශ්ර මාවා විට වර්ගයට ඇබ්බැහිව සිටින බවට පානදුර වලාන දූෂණ මර්ධන ප්රහාරක ඒකකයේ වැඩබලන අධ්යක්ෂක සහකාර පොලිස් අධිකාරී උදය කුමාර මහතාට ලද තොරතුරකට අනුව ස්ථානාධිපති ප්රධාන පොලිස් පරීක්ෂක ඉන්දික වීරසිංහ මහතාගේ උපදෙස් මත සිදුකළ පරීක්ෂණවල දී හෙළි වූ තොරතුරු අනුව මෙම වෙළඳසැල වැටලූ බව පොලීසිය කියයි.
පලතුරු වෙළෙඳ සැලක් පවත්වා ගෙන යන මුවාවෙන් පාසල් සිසුන් සහ අමතර පංති යන සිසුන් ඉලක්ක කර ගෙන ඉටි උර වල දමන ලද ගෑම් 25කින් යුත් මාවා මත්ද්රව්ය මුලක් රුපියල් 200 ක් වැනි මිලකට අලෙවි කරන බවට විමර්ශනවලදී අනාවරණය වූ බව පොලිස් නිලධාරියෙක් පැවැසීය.
පාසල් සිසුන් ,මෙන්න අමතර පංති අධ්යාපනය ලබන සිසුන් මිට ඇබ්බැහි වී ඇතැයි පොලිසිය කියයි.
සැකකාර පුද්ගලයා වයස අවුරුදු හතළිස් අටක් වන දරුවන් සිටින විවාහකයකු බව පවසන පොලිසිය සැකකරු එම ප්රදේශයේම පදිංචිකරුවකු වන අතර පානදුර මහේස්ත්රාත් අධිකරණය වෙත ඉදිරිපත් කිරීමට නියමිතය.
(බිමල් ශ්යාමන් ජයසිංහ සහ සුමිත් ප්රේමතිලක – ලංකාදීප)
ශ්රී ලංකාවේ සිට ඉන්දියාවට පිහිනා ලෝක වාර්තාවක් තැබූ හත් හැවිරිදි පුංචි වීරයා 
අබිරහස් ලෙස මියගිය මුදල් අමාත්යාංශ සහකාර අධ්යක්ෂකවරයාගේ මරණයට හේතුව හෙළිවෙයි 
සජබය සහ එජාපය එක්වී හමාරයි – සජිත්ගෙන් ප්රකාශයක් 
නවතම ටෙස්ට් ශ්රේණිගත කිරීම් නිකුත් වෙයි! ශ්රී ලංකාවට හිමි ස්ථානය මෙන්න! 
තෙල් මිල යළිත් ඉහළට! ජනපති මැයි රැළියේදී පවසයි! 
අද තද වැස්සක් 
මහජන බැංකුවෙන් සිය පාරිභෝගිකයන්ට විශේෂ දැනුම්දීමක් 
ඉන්ධන මිල සංශෝධනය පිළිබඳව දැනුම්දීමක් 
ඩොලරයට සාපේක්ෂව ශ්රී රුපියලෙහි දැවැන්ත අවප්රමාණය වීමක් 
අද කොළඹ අවට විශේෂ රථවාහන සැලැස්මක් 
විස්සයි20 සටනේ ජය ශ්රී ලංකා ක්රීඩිකාවන්ට 
ඩො.මි. 2.5 සිද්ධියේ වැඩ තහනමට ලක්වූ සහකාර අධ්යක්ෂවරයා අබිරහස් ලෙස මරුට