කොටස් වෙළෙඳපොළ පැන්න පිම්ම

කොළඹ කොටස් වෙළෙඳපොළ සියලු කොටස් මිල දර්ශක අගය ඒකක 23,000 සීමාව යළිත් වරක් පසුකර යාමට අද (08) දිනයේ දී සමත්විය.

මැදපෙරදිග අර්බුදය ආරම්භ වීමෙන් පසු 2026 මාර්තු 03 වන දින ඒකක 1,290කින් සියලු කොටස් කොටස් මිල දර්ශකයේ කඩා වැටීමත් සමග සියලු කොටස් මිල දර්ශක අගය ඒකක 23,000 මට්ටමින් මෙපිටට පැමිණි අතර ඉන් අනතුරුව එම සීමාව අතික්‍රමණය කළ පළමු අවස්ථාව මෙය වේ.

අද දින සියලු කොටස් මිල දර්ශකය ඒකක 66.12ක ඉහළ යාමක් වාර්තා කළ අතර දිනයේ ගනුදෙනු අවසානයේ දී එය ඒකක 23,063.98ක් ලෙසින් සටහන් වුණි. S&P SL20 දර්ශකය දිනය තුළ ඒකක 26.98කින් ඉහළ ගොස් ගනුදෙනු අවසානයේ දී ඒකක 6,319.24ක් ලෙසින් දැක්වුණි.

රු. බිලියන 4.09ක ගනුදෙනු පිරිවැටුමක් දිනය තුළ වාර්තා විය.