ජනාධිපතිවරණය පිළිබඳ නවතම මැතිවරණ සමීක්ෂණයක ප්‍රතිඵල නිකුත් වෙයි! සජිත්ගේ හා අනුරගේ ස්ථාන වෙනස් වෙයි!

2 years ago

සෞඛ්‍ය ප්‍රතිපත්ති ආයතනය විසින් නවතම ජනමත සමීක්ෂණයේ ප්‍රතිඵල වාර්තාව නිකුත් කර තිබෙනවා.

එහිදී ජාතික ජනබලවේගයේ ජනාධිපති ධුර අපේක්ෂක අනුර කුමාර දිසානායක මහතාට හිමි වී ඇති ජන ප්‍රසාදය 37%ක් ලෙස සටහන් වී ඇති අතර එය පසුගිය සමීක්ෂණයේදී 30%ක් ලෙස සටහන් වී තිබුණි.

ඒ අනුව ඔහුට හිමි ජන ප්‍රසාදය 7%කින් ඉහළ ගොස් ඇත.

පසුගිය සමීක්ෂණ කිහිපය පුරාවටම ඔහුට හිමි ජන ප්‍රසාදය පහත වැටෙමින් පැවතියද මෙවර සමීක්ෂණ වාර්තාවට අනුව ඔහු නැවතත් පෙරමුණ ගැනීමට සමත්ව ඇත.

එම සමීක්ෂණ වාර්තාවට අනුව සමගි ජන බලවේගයේ ජනාධිපතිවරණ අපේක්ෂක සජිත් ප්‍රේමදාස මහතාට හිමිව ඇති ජනතා ප්‍රසාදය පහත වී ඇති අතර ඔහුට මෙවර හිමිව ඇති ප්‍රතිශතය 36%කි.

ඔහුට පසුගිය මැයි මාසයේ සමීක්ෂණ වාර්තාවට අනුව හිමිව තිබුණේ 43%ක ප්‍රතිශතයකි.

එම සමීක්ෂණ වාර්තාවට අනුව වර්තමාන ජනාධිපති රනිල් වික්‍රමසිංහ මහතාට 23%ක ජනතා ප්‍රසාදයක් හිමිව පවතී. ඔහුට හිමි ජන ප්‍රසාදය මාස 4ක් තුළ 10% සිට 23% දක්වා වැඩි වී තිබීම කැපී පෙනෙන සිදුවීමකි.

එමෙන්ම ශ්‍රී ලංකා පොදුජන පෙරමුණේ ජනාධිපති අපේක්ෂක නාමල් රාජපක්ෂට හිමි ජන ප්‍රසාදය 4%ක් ලෙස දක්වා පහත වැටී ඇත.

මෙම සමීක්ෂණය සඳහා මේ දක්වා පුද්ගලයින් 19,015 දෙනෙකු සහභාගී කරවාගෙන තිබේ.