මීනිමැරැම් චෝදනා ලැබ සිටි ‘සර්පයා’ නිදොස් කොට නිදහස් කරයි

සබරගමුව පළාත් සභාවේ හිටපු එක්සත් ජාතික පක්ෂ මන්ත්‍රී හසිත සමන්ත මුහන්දිරම්
හෙවත් “සර්පයා” නිදොස් කොට නිදහස් කිරීමට කොළඹ මහාධිකරණය අද නියම කළා.

ඒ, 1999 වසරේ රත්නපුර – කලවාන ප්‍රදේශයේදී හිටපු සබරගමු පළාත් සභා මන්ත්‍රී රංජිත් නන්දසේන සහ ඔහුගේ ආරක්ෂකයාට වෙඩි තබා ඝාතනය කර මෝටර් රථයක් තුළ පිළිස්සීමේ සිද්ධිය සම්බන්ධයෙන් වන නඩුවේ තීන්දුව ප්‍රකාශයට පත් කරමින්.

එහිදී මහාධිකරණ විනිසුරු නවරත්න මාරසිංහ කියා සිටියේ මේ සම්බන්ධයෙන් විමර්ශන නිසියාකාරව සිදුකිරීමට පොලිසිය අපොහොසත් වීම හා අධිකරණ වෛද්‍ය සාක්ෂි ද විශ්වසනීයත්වයෙන් තොර බැවින් විත්තිකරු නිදොස් කොට නිදහස් කරන බව විනිසුරුවරයා සඳහන් කළා.