අමෙරිකා එක්සත් ජනපද රජය විසින් ශ්රී ලංකා ගුවන් හමුදාව වෙත පරිත්යාග කළ TH-57 ‘සී රේන්ජර්’ බහුකාර්ය හෙලිකොප්ටර් යානා 10ක් නිල වශයෙන් භාර ගැනීම අද (23) ජනාධිපති අනුර කුමාර දිසානායක මහතාගේ ප්රධානත්වයෙන් රත්මලාන ගුවන් හමුදා කඳවුරේදී සිදු කෙරිණි.
රත්මලාන ගුවන් හමුදා කඳවුරට පැමිණි ජනාධිපතිවරයා ගුවන් හමුදා උත්තමාචාර සහිතව පිළිගැනුණු අතර, අනතුරුව නව හෙලිකොප්ටර් යානා නිරීක්ෂණය කර කාර්ය මණ්ඩලය සමඟ සමූහ ඡායාරූපයකටද එක් විය.
මෙහිදී ශ්රී ලංකා ගුවන් හමුදාව සහ අමෙරිකානු පැසිෆික් ගුවන් හමුදාව අතර ද්විපාර්ශ්වික ගිවිසුමකටද අත්සන් තැබුණු අතර, ගුවන් හමුදාපති එයාර් මාර්ෂල් බන්දු එදිරිසිංහ මහතා සහ අමෙරිකානු පැසිෆික් ගුවන් හමුදා ආඥාපති ජෙනරාල් කෙවින් ෂ්නයිඩර් මහතා ඊට අත්සන් තැබූහ.
මෙම TH-57 යානා මගින් ශ්රී ලංකා ගුවන් හමුදාවේ ගුවන් නියමු පුහුණු හැකියාව වැඩිදියුණු කිරීම, මෙහෙයුම් ධාරිතාව පුළුල් කිරීම මෙන්ම ආපදා සහන, සෙවීම් හා මුදාගැනීම් සහ හදිසි මහජන සේවා කටයුතු සඳහා සහාය ලබාදීමට අපේක්ෂා කෙරේ.
එමෙන්ම එක්සත් ජාතීන්ගේ සාමසාධක මෙහෙයුම් සඳහා අවශ්ය ගුවන් කාර්ය මණ්ඩල පුහුණුවටද මෙම යානා යොදා ගැනීමට නියමිත බව සඳහන් වේ.
අමෙරිකාවේ සිට විශේෂ භාණ්ඩ ප්රවාහන පහසුකම් ඔස්සේ 2026 ජූනි 01 වනදා ශ්රී ලංකාවට රැගෙන ආ මෙම යානා රත්මලාන ගුවන් හමුදා කඳවුරේදී එකලස් කර ඇති අතර, ශ්රී ලංකාවේ දේශගුණික හා ගුවන් මෙහෙයුම් තත්ත්වයන්ට ගැළපෙන තාක්ෂණික පරීක්ෂණ සහ අත්හදා බැලීම්වලින් අනතුරුව නිල මෙහෙයුම් සඳහා යොදා ගැනීමට නියමිතය.
මෙම අවස්ථාවට ආරක්ෂක අංශ ජ්යෙෂ්ඨ නිලධාරීන් සහ අමෙරිකානු තානාපති කාර්යාලයේ නියෝජිතයින් ඇතුළු පිරිසක් එක්ව සිටියහ.
සුපිරි ජිම්නාස්ටික් ක්රීඩිකා ටියානා ශ්රී ලංකාව නියෝජනය කිරීමට සැරසෙයි 
මෙසීගෙන් ගිනස් වාර්තා 4ක් 
GIT විභාගයට අයදුම්පත් කැඳවයි 
රජය අඩියක් පස්සට ගැනීමට තීරණය කරයි 
ඉදිරි ඡන්දවලදී ඇඟිල්ල පාට කිරීම නවතී? 
ෆවුසිට එරෙහි පෙත්සමක විභාගය අවසන් 
බදු ගෙවන්නන්ගෙන් අයවිය යුතු හිඟ බදු මුදල රුපියල් බිලියන 550ක් 
2027 සිට පළමු ශ්රේණියට සිසුන් ඇතුළත් කිරීම සඳහා නව චක්රලේඛයක් 
සබරගමුව පළාතට නව ප්රධාන ලේකම්වරයෙක් 
අද ඩොලරයේ ගැනුම් හා විකුණුම් මිල ගණන් 
සරණ ගුණවර්ධනට බන්ධනාගාර රෝහලේ දොර වැසෙයි! පුස්තකාල සේවයට යොදවයි! 
ප්රදේශ කිහිපයකට හෙට පැය 24ක ජල කප්පාදුවක්