තවදුරටත් ඉහළ අගයක පවතින රත්‍රං මිල

ලෝක වෙළෙඳපොළේ රන් මිල තවදුරටත් ඉහළ අගයක පවතින පසුබිමක, දේශීය වෙළෙඳපොළේ රන් මිලෙහි කැපී පෙනෙන අඩුවීමක් සිදුව ඇති බව ශ්‍රී ලංකා ස්වර්ණාභරණ සංගමය නිල වශයෙන් ප්‍රකාශ කරයි

ලෝක වෙළෙඳපොළේ අද (04) දින දත්තවලට අනුව රන් අවුන්සයක (Gold Ounce) මිල ඇමෙරිකානු ඩොලර් 4,175යි ශත 07ක් ($4,175.07) ලෙස සටහන් විය. මෙය පෙර දිනයට සාපේක්ෂව සියයට 1.52ක (1.52%) පැහැදිලි මිල ඉහළ යාමකි. ගෝලීය වශයෙන් පවතින ආර්ථික අනාරක්ෂිතතාවයන් හමුවේ ආයෝජකයින් රන් වෙත නැඹුරු වීම මෙලෙස මිල ඉහළ යාමට හේතු වී තිබේ.

ගෝලීය මිල ඉහළ යාම මෙලෙස වාර්තා වුවද, දේශීය වෙළෙඳපොළේ රන් මිලෙහි මිල පහත වැටීමක් අද දින වාර්තා විය.

ඒ අනුව අද (04) දින කැරට් 24 රන් පවුමක මිල රුපියල් 386,000 සිට රුපියල් 384,000 දක්වා අඩු වී ඇති අතර, කැරට් 22 රන් පවුමක මිල රුපියල් 355,100 සිට රුපියල් 353,300 දක්වා පහත වැටී තිබේ.