විදුලිබල මණ්ඩල සභාපතිගෙන් පරස්පර ප්‍රකාශ

කෝප් කමිටුවේ දී ලංකා විදුලිබල මණ්ඩලයේ සභාපති එම්.සී.සී. ෆර්ඩිනැන්ඩු විසින් ඉන්දීය අග්‍රාමාත්‍යවරයා සම්බන්ධයෙන් සිදු කරන ලද ප්‍රකාශනය සම්බන්ධයෙන් නිවේදනයක් නිකුත් කර තිබෙනවා.
 
ලංවිම සභාපතිවරයා එම නිවේදනය මගින් ප්‍රකාශ කර ඇත්තේ, තමන් විසින් කෝප් කමිටුවේදී ඉන්දීය අග්‍රාමාත්‍යවරයාගේ නාමය යෙදීම සම්බන්ධයෙන් පදනම් හා කොන්දේසි විරහිතව සමාව අයදින බවත් අදාළ ප්‍රකාශය ඉල්ලා අස්කරගන්නා බවයි. 
 
එලෙස ‘අගමැති’යන වචනය භාවිත වූයේ තමන් කෝප් කමිටුව හමුවේ සිදු කළ පැහැදිලි කිරීම් සමග තිබූ පීඩනය සහ හැඟීම් හේතුවෙන් බවයි ෆර්ඩිනැන්ඩු සභාපතිවරයා සඳහන් කර ඇත්තේ. 
 
කෙසේවෙතත් මෙම ප්‍රකාශය සම්බන්ධයෙන් ජනාධිපති ගෝඨාභය රාජපක්ෂ සිය ට්විටර් ගිණුමේද සටහනක් තබමින් ප්‍රකාශ කර ඇත්තේ කෝප් කමිටුවේ දී ලංවිම සභාපති විසින් සිදු කරන ලද ප්‍රකාශය තමන් ප්‍රතික්ෂේප කරන බවයි.

නමුත් සභාපතිවරයා කෝප් කමිටුව හමුවේ දිගින් දිගටම ප්‍රකාශ කර සිටියේ ජනාධිපතිවරයා තමන්ව කැඳවා ඉන්දීය අගමැති මෝදි බලපෑම් කරන බැවින් මන්නාරම ප්‍රදේශයේ ඉඳිකිරීමට යෝජිත සුළං විදුලි බලාගාර ව්‍යාපෘතිය ඉන්දියාවේ අඳානි සමාගමට දෙන ලෙස ප්‍රකාශ කර සිටිය බවයි.

කෝප් කමිටුව හමුවේ ඒ මහතා සිදු කළ ප්‍රකාශය පහතින්