සංචාරක ඕස්ට්රේලියානු කණ්ඩායම සමග පැවැත්වෙන තරග 5කින් යුත් එක්දින ක්රිකට් තරගාවලියේ දෙවැනි තරගයෙන් ඩක්වර්ත් ලුවිස් න්යාය යටතේ ලකුණු 26ක ජයක් වාර්තා කරමින් එක්දින තරගාවලිය තරග 1-1ක් ලෙස සම තත්ත්වයට ගෙන ඒමට ශ්රී ලංකා කණ්ඩායම අද(16) සමත් වුණා.
මහනුවර පල්ලෙකැලේ ක්රීඩාංගනයේ පැවති මෙම තරඟය ජය ගැනීම සඳහා ඔස්ට්රේලියානු කණ්ඩායමට ඩක්වර්ත් ලුවිස් න්යාය යටතේ පන්දුවාර 43කදී ලකුණු 216 ක ඉලක්කයක් හිමිවූ නමුත්, ඔවුන්ට පන්දුවාර 37.1ක් අවසානයේ සියලු දෙනා දැවී රැස් කර ගත හැකි වූයේ ලකුණු 189ක් පමණයි.
ඩේවිඩ් වෝනර් ලකුණු 37ක් ද, ස්ටීවන් ස්මිත් ලකුණු 28 ක් ද, ග්ලේන් මැක්ස්වෙල් ලකුණු 30ක් ද රැස් කළා. ට්රැවිස් හෙඩ් ලකුණු 23යි.
පන්දු යැවීමේ දී චාමික කරුණාරත්න ලකුණු 47කට කඩුලු 3ක් දවා ගත්තා. දුෂ්මන්ත චමීර, ධනංජය ද සිල්වා හා දුනිත් වෙල්ලාලගේ කඩුලු 2 බැගින් බිද හෙලුවා.
තරගයේ කාසියේ වාසිය දිනූ ඕස්ට්රේලියාවේ ආරාධනයෙන් පළමුවෙන් පන්දුවට පහර දුන් ශ්රී ලංකාව පන්දුවාර 47.4 ක් අවසානයේ කඩුළු 9ක් දැවී ලකුණු 220 ලබා සිටියදී තරගයට වර්ෂාවෙන් බාධා එල්ල වුණා. අනතුරුව යළි ශ්රී ලංකා කණ්ඩායමට පිතිකරණයේ නිරත වීමට හැකි වූයේ නැහැ.
ශ්රී ලංකා ඉනිම වෙනුවෙන් කුසල් මෙන්ඩිස් ලකුණු 36ක් ලබා ගත් අතර, ධනංජය ද සිල්වා හා දසුන් ශානක ලකුණු 34 බැගින් රැස් කළා. දුනිත් වෙල්ලාලගේ ලකුණු 20යි.
පන්දු යැවීමේ දී පැට් කමින්ස් ලකුණු 35කට කඩුලු 4ක් බිද හෙලුවා.
තරගයේ වීරයා ලෙස සම්මානයෙන් පිදුම් ලැබුවේ චාමික කරුණාරත්නයි.
ආබාධයක් හේතුවෙන් මෙම තරගය සදහා ශ්රී ලංකා දග පන්දු යවන ක්රීඩක වනිදු හසරංග ක්රීඩා කළේ නැහැ.
source – hitwicket

වෛද්ය විද්යාවේ නව පෙරළියක්! පිළිකා රෝගීන්ට සුබ ආරංචියක්!
දෙවුන්දර දේවාලයේ වැඩබලන බස්නායක නිලමේ ධුරය සම්පත් කිරිගේට
රටම කැළඹූ අනුරාධපුර පූජාභූමි සංවර්ධන වැඩසටහන ගැන වැඩබලන අටමස්ථානාධිපති හිමි කළ ඉල්ලීම
බියකින් හෝ අවිශ්වාසයකින් තොරව ලංකාවේ ආයෝජනය කරන්න! අශෝක රන්වල ජපන් බසින් විදේශ ආයෝජකයන්ට කළ ඇරයුම!
ප්රදේශ කිහිපයකට ගිගුරුම් සහිත වැසි
රාජ්ය සේවක වැටුප් සඳහා වසරකට රුපියල් බිලියන 900ක්
නකල්ස් ප්රදේශයෙන් හමුවූ 15 හැවිරිදි දැරිය සහ බිළිදා ගැන කාන්තා කටයුතු අමාත්යවරියගෙන් ප්රකාශයක්
පළමු ශ්රේණියට දරුවන් ඇතුළත් කිරීම පහත වැටෙයි
ලංකාවේ සෑම පස්දෙනෙකුගෙන් එක් අයෙකුටම පවතින රෝගයක් ගැන අනාවරණයක්
අද දවසේ කාලගුණයේ සිදුවන වෙනස
සෞඛ්ය අමාත්යාංශයේ 223 දෙනෙකුට නව පත්වීම්! වෛද්යවරුන් 1,600ක් මේ මාසය අවසන් වීමට පෙර බඳවා ගැනේ!
රයිස් සහ කොත්තු සහ කෙටි කෑමවල මිල ඉහළට