බිල නොගෙව්වොත් සෝභිත හිමිගේ ලයිට් කපනවා – ඇමති කාංචන

විදුලි බිල නොගෙවීමට කටයුතු කළහොත් කවර පුද්ගලයෙකුගේ වුවද විදුලිය විසන්ධි කරන බව විදුලි බල හා බලශක්ති අමාත්‍ය කංචන විජේසේකර මහතා පවසනවා.

පූජ්‍ය ඕමල්පේ සෝභිත හිමියන් කළ ප්‍රකාශයක් සිය ට්විටර් ගිණුමෙන් ප්‍රසිද්ධියට පත්කරමින් අමාත්‍යවරයා මේ බව සදහන් කරනවා.

මෙහිදී ඕමල්පේ හිමියන් පවසන්නේ මීට පෙර රුපියල් 58,000ක් වූ තම විහාරස්ථානයේ විදුලි බිල මේ වන විට ලක්ෂ තුනක් දක්වා වැඩිවී ඇති බවයි.

විදුලිබල මණ්ඩලය පාඩු ලබන තත්ත්වයට පත්වූයේ හොරාකෑ දේශපාලඥයින් නිසා මිසක මහජනතාව නිසා නොවන බැවිත් තමන් විදුලි බිල නොගෙවන බවද උන්වහන්සේ මාධ්‍ය වෙත අදහස් දක්වමින් පවසා සිටිනවා.