පාස්කු ප්‍රහාරයේ මහ මොළකරු හඳුනාගෙන ඇති බවත්, එය පිටුපස ඉන්දියාව සිටින බවටත් මහජන ආරක්ෂක අමාත්‍යාංශයේ ලේකම් විශ්‍රාමික ජ්‍යෙෂ්ඨ නියෝජ්‍ය පොලිස්පති රවි සෙනවිරත්න මහතා විසින් පාර්ලිමේන්තු උසස් නිලතල කාරක සභාවට ප්‍රකාශ කළ බවට සාවද්‍ය පුවතක් සමාජ මාධ්‍ය ඔස්සේ සංසරණය වන බව පොලීසිය පවසයි.
නිවේදනයක් නිකුත් කරමින් පොලිස් මාධ්‍ය කොට්ඨාසය සඳහන් කර ඇත්තේ, අදාළ පුවත තරයේ ප්‍රතික්ෂේප කරන බවත්, එය සත්‍යයෙන් තොර පුවතක් බවට අවධාරණය කරන බවය.
එම පුවත සම්බන්ධව කරුණු දක්වමින් විශ්‍රාමික ජ්‍යෙෂ්ඨ නියෝජ්‍ය පොලිස්පති රවි සෙනවිරත්න මහතා සඳහන් කරන්නේ, 2025.10.08 වන දින පාර්ලිමේන්තුවේ උසස් නිලතල කාරක සභාව විසින් කරන ලද කැඳවීමකට අනුව එම කාරක සභාව හමුවේ පෙනී සිට මතු වූ කාරණා සම්බන්ධයෙන් පිළිතුරු ලබා දුන් බවත්, එම අවස්ථාවේ පාස්කු ප්‍රහාරය පිටුපස ඉන්දියාව සිටින බවට කිසිදු අවස්ථාවක ප්‍රකාශ නොකළ බවටත් අවධාරණය කර සිටින බව අදාළ නිවේදනයේ දැක්වේ.
මේ හේතුවෙන් අදාළ අසත්‍ය ප්‍රවෘත්තිය ප්‍රචාරය කරන පුද්ගලයින් සම්බන්ධයෙන් විමර්ශනයක් පැවැත්වීමට පොලිස්පතිවරයාට උපදෙස් ලබා දුන් බවත්, මීට අදාළ නෛතික ක්‍රියා මාර්ග ගැනීමට රවි සෙනවිරත්න මහතාගේ නීතිඥවරුන් වෙත උපදෙස් ලබා දී ඇති බවත් පොලීසිය නිකුත් කළ නිවේදනයේ වැඩිදුරටත් සඳහන් වේ.
අදාළ නිවේදනය පහතින් දැක්වේ.
ප්රකාශයක් ලබාදීම සඳහා නීතිඥ ගුණරත්න වන්නිනායක ගල්කිස්ස පොලීසියට පැමිණෙයි 
කොළඹ වරාය නගරයට හිමි වූ ජාත්යන්තර ඇගයීම 
මාසෙකට තුන් ලක්ෂ පනස් දහසක කෑම කෑ හිටපු කතානායක 
ජනතා මුදල් ගසා කන වංචා සහගත ව්යාපාරයක් පිළිබඳව දැනුම්දීමක් 
ඉෂාරා පිළිබඳ තොරතුරු වසන් කළ පොලිස් කොස්තාපල් අත්අඩංගුවට 
ගුරුවරුන්ගේ විෂයන් සංශෝධනයට අවසර 
දීපවාලිය වෙනුවෙන් විශේෂ ප්රවාහන වැඩසටහනක් 
BYD වාහනවල තාක්ෂණික දෝෂයක්! වාහන 115,000ක් ආපසු කැඳවයි! 
සැඟව සිටින අර්ජුන් මහේන්ද්රන්ගෙන් වීඩියෝ කෝල් එකක් 
අධ්යාපන ප්රතිසංස්කරණවලට පරිපාලන නිලධාරීන් පුහුණු කෙරේ 
රන් මිල පල්ලම් බසී 
අයි.එස්.අයි.එස් ව්යාප්ත කිරීමට ආධාර දුන් සැකකරුවන් පහළොවක් සම්බන්ධයෙන් විමර්ශන