අත්‍යවශ්‍ය භාණ්ඩ හයක මිල අඩු කෙරේ

සතොස අලෙවිසැල් ජාලය හරහා අලෙවි කෙරෙන අත්‍යවශ්‍ය භාණ්ඩ වර්ග හයක මිල අඩු කිරීමට
කටයුතු කර ඇති බව එහි සභාපති පසඳ යාපා අබේවර්ධන පවසනවා.

ඒ අනුව රුපියල් 430කට අලෙවි කළ දේශීය අර්තාපල් කිලෝග්‍රෑමයක් මේ වනවිට අලෙවි කෙරෙන්නේ රුපියල් 395කටයි.

සුදු සීනි කිලෝග්‍රෑමයක් රුපියල් 275කට සහ රතු පරිප්පු කිලෝග්‍රෑමයක් රුපියල් 398කට අලෙවි කෙරෙනවා.

එසේම ආනයනික සුදු කැකුළු කිලෝග්‍රෑමයක් රුපියල් 174කට සහ සම්බා කිලෝග්‍රෑමයක් රුපියල් 220කට අලෙවි කෙරෙන අතර, කඩල කිලෝග්‍රෑමයක මිල රුපියල් 650ක් බව යි සතොස සභාපති පසඳ යාපා අබේවර්ධන කියා සිටියේ.