රටම බලා සිටින අයවැය හෙටයි

ලබන වසර එනම් 2026 වසර සඳහා වන අයවැය යෝජනාව හෙට (07) දින පාර්ලිමේන්තුවට ඉදිරිපත් කිරීමට නියමිතයි.

ආණ්ඩු පක්ෂයේ මෙන්ම විපක්ෂයේ ද මහජන නියෝජිතයින් සහ මහජනතාව ලෙස පාර්ශවයන් රැසක් විවිධ අදහස් පළ කරමින් පවතින මෙවර හෙට පස්වරු 01:30ට ජනාධිපති අනුර කුමාර දිසානායක විසින් මුදල් ක්‍රමසම්පාදන හා ආර්ථික සංවර්ධන අමාත්‍යවරයා ලෙස පාර්ලිමේන්තුවට ඉදිරිපත් කරනු ලබනවා.

ඒ අනුව අයවැය දෙවන වර කියවීමේ විවාදය නොවැම්බර් මස 8 වන දින සිට දින 6ක් පැවැත්වීමට නියමිත අතර දෙවන වර කියවීමේ ඡන්ද විමසීම 14 වන සිකුරාදා පස්වරු 6.00ට පැවැත්විමට නියමිතව තිබේ.

කාරක සභා අවස්ථාවේ විවාදය නොවැම්බර් මස 15 සිට දින 17ක් පැවැත්වීමට නියමිත අතර තෙවන වර කියවීමේ ඡන්ද විමසීම දෙසැම්බර් මස 5 වන දින පස්වරු 6ට සිදුකිරීමට නියමිතය.