වරාතැන්න සීමාමාලකය අසල මහවැලි ගඟ අසබඩ සාදයක් පවත්වමින් සිටි පාසල් සිසුන් පිරිසක් අතරින් සිසුන් දෙදෙනකු මහවැලි ගඟට ඇදවැටීයදී එක් සිසුවකු බේරාගෙන ඇති අතර අනෙක් සිසුවා ජලයේ ගසාගෙන ගොස් අතුරුදහන්ව ඇතැයි කටුගස්තොට පොලීසිය කියයි.
මහනුවර ප්‍රධාන පාසල උසස් පෙළ සිසුවකු අතුරුදහන්ව ඇති අතර සිද්ධියෙන් දිවි ගලවා ගෙන ඇත්තේ ගන්නොරුවේ පාසල සිසුවකු බවද පොලිසිය පවසයි.
විවිධ පාසල්වල සිසුන් පිරිසක් එකතු වී එම ස්ථානයේ සාදයක් පවත්වා ඇති අතර ඒ අතරතුර එක් සිසුවකු මහවැලි ගඟට ඇද වැටෙද්දී ඔහු බේරා ගැනීමට තවත් සිසුවක පැන ඇති අතර දෙදෙනාම ගසාගෙන යද්දී එක් සිසුවකු පමණක් ගඟ මැද තිබූ ගල් පරයක එල්ලී තිබේ.
එසේ ගල් පරයක එල්ලූ සිසුවා පැය ගණනාවක් එහි රැඳී සිටියදී මහනුවර පොලිස් ජීවිතාරක්ෂක ඒකකයේ ස්ථානාධිපති ප්‍රධාන පොලිස් පරීක්ෂක බණ්ඩාර යාපා මහතා ඇතුළු පොලිස් කණ්ඩායමක් පැමිණ බේරාගෙන රෝහල්ගත කිරීමට පියවර ගෙන තිබේ . ජලයේ ගසාගෙන ගිය සිසුවා පිළිබඳ කිසිදු තොරතුරක් ලැබී නොමැති බවද පොලිසිය කියයි.
මේ අතර අම්බලන්ගොඩ මාදම්පා ගඟේ මෝය කට ආසන්නයේ දිය නෑමට ගිය සිසුන් පිරිසක්ද මෙම ඛේදවාචකයට මුහුණ දී තිබෙනවා.
අම්බලන්ගොඩ මාදම්පා ගඟේ මෝය කට ආසන්නයේ දිය නෑමට ගිය පාසල් සිසුන් තිදෙනෙක් දියේ ගිලී තිබේ.
ඉන් එක් අයෙක් අසල සිටි පුද්ගලයෙක් විසින් බේරා ගෙන තිබුණි.
දියේ ගිලී අතුරුදන් වූ එක් සිසුවෙකුගේ සිරුර හමුවී ඇති අතර අනෙක් සිසුවා සොයා මෙහෙයුම් ක්‍රියාත්මක බව අප වාර්තාකරු පැවසීය.
ජාතිවාදයට තිත තැබීමට නව නීති – ජනපති 
මෙරට ආර්ථිකය ගැන කොළ එළි දල්වමින් වසර හතරකට පසු ඉහළම PMI අගය වාර්තා වෙයි 
දළදා වන්දනාවට තවත් විශේෂ දුම්රිය දෙකක් 
දළදා වන්දනාවේ ආරක්ෂාවට බුද්ධි නිළධාරීන් 1000ක් 
කොරියානු භාෂා විභාගය පැවැත්වෙන දින වෙනස් වෙයි 
අනතුරකින් STF නිළධාරියෙක් ජීවිතක්ෂයට පත්වෙයි 
රැකියා විරහිත උපාධිධාරීන්ට සුබ පණිවිඩයක් 
පුතුගේ පහරින් පියාට දිවි අහිමි වෙයි 
ශ්රී ලංකාවට ආසියාවේ 9වන ස්ථානය 
පොලිස් ආරක්ෂාව මැද ගමන් කළ ගුරුවරියට වැඩ වරදියි 
කාන්තාවන් තිදෙනෙක් කටුනායකදී අත්අඩංගුවට 
ලබන 27 වනදා විශේෂ දිනයක් ලෙස නම් කරයි