කුකුළු මස් මිල පහළට

වෙළදපොලේ ඉහළ ගොස් තිබූ කුකුළු මස්වල මිල ගණන් මේ වන විට පහත බැස තිබෙනවා.

පසුගිය කාල සීමාවේදී කුකුලු මස් කිලෝ ග්‍රෑමයක් රුපියල් 1500ත් 1600ත් අතර මිල ගණන් යටතේ අලෙවි වූ අතර එය මේ වනවිට රුපියල් 1100-1200ත් දක්වා පහළ ගොස් තිබෙනවා.

ඉල්ලුමට සරිලන සැපයුමක් ලබා දීමට නොහැකි වීම හා කුකුළු ගොවිපළ නඩත්තු වියදම් ඉහළ යාම හේතුවෙන් පසුගිය කාල සීමාවේදී වෙළදපොළෙහි කුකුලු මස් සහ බිත්තරවල මිල ගණන් ඉහළ ගියා.

මෙලෙස මිල ගණන් ඉහළ යාම හේතුවෙන් ජනතාව කුකුලු මස් මිලදී ගැනීමෙන් වැළකී සිටීමට පියවර ගෙන ඇති බවයි සමස්ත ලංකා කුකුලු ව්‍යාපාරිකයින්ගේ සංගමයේ සභාපති අජිත් ගුණසේකර මින් පෙර ප්‍රකාශ කළේ.