තම මවගේ රන් භාණ්ඩ සොරාගත් පුත්‍රයා අත්අඩංගුවට

තාම මවගේ සුරයක් සහිත රන් මාලය, රන් අත් පළඳනාව සොරකම් කළ පුත්‍රයෙක් (23 දා) අත්අඩංගුවට ගත් බව අනුරාධපුර මූලස්ථාන පොලීසිය කියයි.

මෙලෙස අත්අඩංගුවට පත්ව ඇත්තේ, විජයපුර බෝධිය අසල පදිංචි වයස අවුරුදු 35ක පුද්ගලයෙකි.

පසුගිය 18 දා පෞද්ගලික කටයුත්තක් සඳහා කුරුණෑගල යාම සදහා නිවසේ කොට්ටයක් තුළ සඟවා තබා තිබූ සුරයක් සහිත රන්මාලය රන් අත් පළඳනාව සොයා බැලූ අවස්ථාවේ දී එම රන් භාණ්ඩ නිවසේ නොමැති බව පවසමින් එම පැමිණිල්ල ඉදිරිපත් කර තිබූ බව පොලිසිය කියයි.

රන් භාණ්ඩ සොරකම් කිරීමට නිවසට පිටතින් කිසිවකු නොපැමිණි බවත්, මත්ද්‍රව්‍ය භාවිතයට තදින් ඇබ්බැහිවී සිටින තම පුතු එම රන් භාණ්ඩ සොරකම් කර ඇති බවත්, එම මව විසින් සිදු කළ පැමිණිල්ලේ සඳහන්ව ඇතැයි පොලිසිය කීය.

එම රන් භාණ්ඩවල බර හෝ වටිනාකම තමන් නොදන්නා බවද පැමිණිල්ලේ වැඩි දුරටත් සඳහන්ව ඇතැයි පොලිසිය කියයි.

අත්අඩංගුවට ගත් සැකකාර පුත්‍රයා අද අනුරාධපුර අධිකරණයට ඉදිරිපත් කිරීමට නියමිතව තිබුණි.