සුංගාවිල සිට සෝමාවතිය දක්වා මාර්ගය තාවකාලිකව වැසේ

මහවැලි ගඟේ ජල මට්ටම සීඝ්‍රයෙන් ඉහළ යාම හේතුවෙන් ලංකාපුර, සුංගාවිල සිට සෝමාවතිය දක්වා වූ මාර්ගය අද (21) පෙරවරුවේ සිට තාවකාලිකව වසා දැමූ බව පොළොන්නරුව ආපදා කළමනාකරණ ඒකකය නිවේදනය කරයි.

අද පෙරවරු 09:15 සිට ක්‍රියාත්මක වන පරිදි සැහැල්ලු වාහන ගමනාගමනය සඳහා මෙම මාර්ගය මෙලෙස වසා තබා ඇත. පවතින වර්ෂා සහිත කාලගුණයත් සමඟ ජල මට්ටම තවදුරටත් ඉහළ යා හැකි බැවින්, අවදානම සලකා මෙම තීරණය ගෙන තිබේ.

සෝමාවතිය පුදබිම වන්දනා කිරීමට පැමිණෙන බැතිමතුන් සහ ප්‍රදේශවාසීන් මේ පිළිබඳව සැලකිලිමත් වන ලෙස ආපදා කළමනාකරණ ඒකකය වැඩිදුරටත් ඉල්ලා සිටී.